نرم افزار اندروید کلوب
یاشار  سهرابی , mahtab13990b

یاشار سهرابی

 lk j,v;l
یاشار  سهرابی , mahtab13990b

یاشار سهرابی

مطالب تصاویر 9

93/01/26 09:54

قارا دومان چکیل گؤزلریمین اؤنوندن ، چکیل سن منی کوراتدین...


قارا دومان

چکیل گؤزلریمین اؤنوندن ، چکیل

سن منی کوراتدین آی قارا دومان

چکیل

آنا طبیعته دویونجا باخیم

ساختالیقدان یورولموشام ، شهرلرده

سحر آخشام آلدانیجی

مین بزکلی بویالار

اینسانلیغی اینسانلاردان آلیبدی

بوردا حقیقت وار

بوردا صفا وار

بوردا دوغمالیق وار

یان اول آی دومان...

چکیل باخیم دره لره داغلارا

باخیم بو چایلارا گؤزوم دولوسو...

باخیم یاشیل اؤرپک اؤرتن باغلارا

چکیل قارا دومان کوراتما منی...

بو داغلار - قایالار

بو آخان چایلار

یاشیل چمنلرده آل الوان چیچک

گؤرن بو تابلونون رسامی کیمدیر؟؟

چکیل بو ازلی ابدی تابلو

کؤنلومده حک اولوب ابدی قالسین

پرده چکه گؤزلریمین اؤنونه

بو چؤللرده گؤرمه لریم وار منیم

بو داغلاردا قارا چوبان ، خان چوبان

داشغین سئل ده سارالاریم وار منیم

هر بیر داشدان مین خاطیره بویلانیر

بابالارین ایزی واردیر بو چؤلده!!

قایالارلا سینه له شن

قار کولک له چوماقلاشان قارا چوبان

هله ده وار

گؤز تیکیب دیر یوللارا...

بو قاطار - بو قاطار

بو ده میر مینیک

بیزی گتیریبدیر اونلا گؤروشه

چکیل قارا دومان

قوی سالاملاشاق

یان اول ال قووزاییم او خان چوبانا

بیلدیریم کی زحمتینی بیلیرم

اونو داها اوستون اینسان سانیرام

او اکینچی

او بیچینچی

او باغچادا سو - سوواران

زحمت چکن ، درده دؤزن

ساده اینسان

قانع اولان

اداسیز ، وطن داش دیر!

اونو گؤرمک زیارت دیر

او گؤروشلر سعادت دیر

دومان چکیل آرامیزدان

اونو گؤرمک ایسته ییرم

اونو بیلمک ایسته ییرم...

شیمشک شهبازی

صبا قاطاری

99
کامنت بنویسید...