سون سوینج یاغمور , khak_zartosht

سون سوینج یاغمور

 آتش شمعده گوردوم پر پروانه یانور/خبر آلدیم ددیلر عشقینی اثبات ایلور
سون سوینج یاغمور , khak_zartosht

سون سوینج یاغمور

مطالب
87/01/28 14:31

شــــــعر استاد شهــــــــــریار (خان ننه )....

شــــــعر استاد شهــــــــــریار (خان ننه )...
خان ننه شهریار خانه ننه هایاندا قالدین
بئله باشیوا دولاننام
نئجه من سنی ایتیردیم
داسنین تایین تاپیلماز سن اولن گون عمه گلدی
منی گوتدو آیری كنده
من اوشاق نه آنلایایدیم
باشیمی قاتیب اوشاقلار
نئچه گون من اوردا قالدیم قاییدیب گلنده باخدیم
یئریوی ییغیشدیریبلار
نه اوزون و نه یئرین وار
هانی خان ننه م؟سوروشدوم
دئلیلركی خان ننه نی
آپاریبلاكربلایه
كی شفاسین اوردان آلسین
سفری اوزون سفردیر
بیر-ایكی ایل چكرگلینجه
نئجه آغلارام یانیقلی
نئچه گون ائله چیغیردیم
كی سسیم -سینه م توتولدو
او من اولماسام یانیندا
اوزو هیچ یئره گئده نمز
بو سفر نولوبدو من سیز
اوزو تك قویوب گئدیبدیر؟ هامیدان آجیق ائده ركن
هامی یا آجیقلی باخدیم
سونرا باشلادیم كی من ده
گئدیرم اونون دالینجا
دئدیلر:سنین كی تئزدیر
امامین مزاری اوسته
اوشاغی آپراماق اولماز
سن اوخو قرآنی تئز چیخ
سن اونو چیخینجا بلكه
گله خان ننه سفردن تله سیك راوانلاماقدا
اوخویوب قرآنی چیخدیم
كی یازیم سنه گل ایندی
داها چیخمیشام قرآنی
منه سووقت آل گلنده
آمما هر كاغذیازاندا
آغامین گوزو دولاردی
سن ده كی گلیب چیخمادین
نئجه ایل بو انتظارلا
گونو هفته نی سایاردیم
تا یاواش -یاواش گوز آچدیم
آنلادیم كی سن اولوبسن بیله بیلمیه هنوز دا
اوره گیمده بیر ایتیك وار
گوزوم آختارار همیشه
نه یاماندی بوایتیكلر خانه ننه جانیم نولایدی
سنی بیرده من تاپایدیم
اوآیاقلار اوسته بیرده
دوشه نیب بیر آغلایایدیم
قول حلقه سالمیش ایپ تك
او آیاغا باغلایایدیم
كی داها گئدنمیه یدین گئجه لر یاتاندا سن ده
منی قوینووا آلاردین
نئجه باغریواباساردین
قولون اوسته گاه سالاردین آجی دنیانی آتاركن
ایكیمیز شیرین یاتاردیق
یوخودالولو آتاركن
سنی من بلشدیره ردیم
گئجه لی سو قیزدیراردین
اوزووی تمیزله یه ردین
گینه ده منی اوپردین
هئچ منه آجیقلامازدین
ساواشان منه كیم اولسون
سن منه هاوار دورراردین
منی سن آتام دوینده
قاپیب آرادان چیخاردین ائله ایستیلیك او ایستك
داها كیسمه ده اولورمور؟
اوره گیم دئییركی یوخ یوخ
اوده رین صفالی ایستك
منیم او عزیز لیگیم تك
سنیله گئدیب تو كندی
خان ننه اوزون دئیه ردین
كی سنه بهشت ده الله
وئره جك نه ایسته ییرسن
بو سوزون یادیندا قالیسن
منه قوولونو وئریبسن ائله بیرگونوم اولورسا
بیلیسن نه ایسته رم من؟
سوزومه دوروست قولاق وئر
سن ایلن اوشاقلیق عهدین خان ننه آمان نولایدی
بیر اوشاقلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولوركن
قوجاغیندا بیر یاتایدیم
ائله بیر بهشت اولورسا
داها من اوز آللا هیمدان
باشقا بیر شی ایسته مزدیم
99
کامنت بنویسید...
  , r.sam
دوشنبه 23 آذر ، 19:35
YAŞA
ادامه