آراز آخار

سنی منه قایتاران، جیب تئلفونوم اولا دئمیرم . نه بیلیم، بو شهر جانیمی سیخدیغی قدر اودکلن قوخولو کیشی لر اورگیمی سیخیرلار . گؤزلریم واغزالی چالیر سازیمین تئل لری اسیر. اودکلن قوخولو کیشی لر آغلادیلار بو شهری کورپه لری کوپه لری ، قاتارلاری ، قطار یولارینی ، اوزاغلارا دویون له یه کیشی لر اودکلن قوخولو کیشی لر قادینلیغیما یئریکله ین کیشی لر . تئلفئون لار آرخاسیندا پیف - پیف ، پوفله له نن کیشی لر خط - خط ایشغال اولان لار یوخ ، آشغال اولان کیشی لر . *** یئریک له ییل لر بیر شهر قادینلیغیما بویولودور چمدانیم. دیرماشیرام شهرین قارا دامارلارینا گئجه نین بئینیندن قاچیر اللریم . قیرمیزی رژولا، توستولو اتاق یارادیر هیجانیم ، و آغیر فرکانسیلار لا یوموشاق یاتاقلار . اودکلن قوخولو کیشی لر اویدورورلار شهری . بوراسی ... بوراسی شهر گؤزلری یاتاغیمدا ایزله نن شهر ، بوراسی گولوشومه گیجه لن شهر ، قهری ایچیمه دولدوران شهر ، بوراسی، اللریمی الینه توتوب ، گوزلریمی توتمایان شهر . بوراسی، منی منن آلیب منه دؤندرمه ین شهر . قادینلیغیمی باشیما چالان شهر . منه یئریکله ین شهر *** بئینیمدن اودکلن قوخوسو بوغلاییر اللریم اودکلن قوخوسو وئرمه ییر سنی منه قایتاران جیب تئلفونوم اولا دییرم .

دوست داری کارت شارژ 5000 تومانی ایرانسل با یک عالمه کروب ببری و برنده مسابقه کلوب لژنشین ها باشی فقط تا 29 اسفند فرصت داری . منتظرتم دوست گلم . http://www.cloob.com/clubname/lojneshinha

Sağol Araz Bəy Yaşa Yaşasın Özgürlük

yaşasın bütün milliyeçiler yaşasın araz bey

yaşasın bütün milliyetçiler yaşasın araz bey

یوخلوقوندان دولو بیر پاییز گونو دونیادان الیمی اوزور آپاریر تلفونون بیر اوجا بیر قیسا زنگی اوریی یئرینده ن چكیر قوپاریر. هله ده هله دیر قولاغیمدادیر آیسو!سن اوزون سن؟سورورسان مندن اینانیم سسیمی تانیمامیشدیر؟ اؤلورم ، اؤلورم ،اؤلورم ، سندن. سسینی آلاندان كهنه چاخیر تك اوره ییم الیمیده جوشور،چابالیر اوزومم دییرم ،سونرا سوسورام تلفونون دالیندان سسی اوجالیر. _آیسو،هی! نئجه سن؟یاخشی سان هله؟ دییرم سویوقدور ، هاوا سازاقدیر هاوانی دئمه دیم سنی دییرم دئمیرم هئچ بیر زاد یولار اوزاقدیر. ایكیمیز یئنی دن اوشاق اولوروق گوزومو یومورام ، یولار قیسالیر آلتی یاش من سندن كیچیك اولسامدا ایكیمیزلی گونلر منده های سالیر. دیمیرم كی كئشكه بیزده اوچاردیق -اوشاقلار، اویونلار،بیرده دیلك لر دییرسن ایسته سك اوچاریق بیزده ائویمیز، باغچامیز، آغ كپنك لر.... اوچورسان گئدیرسن گویلره ، منده اوچورام دالینجا كپنك سایاق - گئدیبسن اوچموشام ایچیمه سنسیز اوچوبسان اوزاقا،اوچوبسان اوزاق. اؤزومه گلیرم ، اللریم آغریر آیاقیم یئرده دیر ، فیكریم ده سنده باخیرام الیمه قان سؤزور ، سؤزور سن اوچدون گویلره ، ییخیلدیم منده گیزله نیب چاپالدا آغلاییرام من اوپورسن یارامی ، دییرسن دینمه آغلادیم آغلادین منله برابر اما هئچ دئمه دین چاپالا سینمه. الینده بیر آلما ، گؤزلرینده یاش چیله ییر گؤزلرین یاز بولودو تك دییرسن آغلاما ، آغلاما مارال! ساخلا بو آلمانی ، توتوم كپنك. چاپالدان چیخیسان ، اما گلمیر سن الیمده بیر آلما ، مین بیر یارا وار اورییم ده ایندی الیمه تای دیر ایچیمده یارالار دوزولوب قاطار. سنسیزده آغلادیم ، آغلادیم سنسییز آلمانی ساخلادیم مین ائل بلكه چوخ كپنك سیز اوچدوم ، اوچدوم ایچیمه سنده كی گلمدین سندن خبر یوخ! الو!هی ! گئدیبسن؟دییرم یوخ یوخ دییر سن هارداسان ؟ دییرم سنده گئری ده ، چاپالدا ، قیرمیز آلمادا گؤزومون یاشیندا ،او سنسیز منده. گولورسن آجیدان ، دییرسن هله ده گؤروم نئجه سن؟بوراخ گئچمیشی دییرم اونودوم ؟ هئچ اوتانمیرسان آدینی بس نه دن قویوبسان كیشی؟ اوتانیب حالیمی داها سورموسان دییرسن : هله لیك! ، دییرم هارا؟ اللریم دوزلیب ، اما اورییم یارادیر یارادیر یارادیر یارادیر. آیسو