میللی حرکت شنبه ۹ خرداد ۱۳۸۸:
"گئرچك لری بیلمه ینلر عاغیلسیز اولورسا، گئرچك لری بیلیب دئمه ینلر جانی لردیلر."
بئرتولت بئرشت
داها سیز دوشونون گئرچك لری یالان سایانلاری!
كئچن گونلرده خاتمی نین یایینلاندیغی فیلمی ده تورك لره ائتدیی اهانته قارشی اولان اعتیراضلار یوكسلدی، یوكسلدی و خاتمی نی مجبور ائله دی بو فیلمه گؤره یالان یالان جاوابین تكذیبیه شكلینده یایینلاسین. آما انصاری نئچه گون بوندان اؤنجه تبریزه اولان سفرینده بو فیلمی تأیید ائتمیشدی و خاتمی بو تكذیبیه سی ایله یالانی یالان اوسته قالادی.
خاتمی بو تكذیبیه سینده آذربایجان میللتین "آذری طایفاسی"، "آذری قومو" و "آذری دیللی لر" آدلاندیرمیشدی، بلكه ایچینده اولان فاشیزم دوشونجه سین بیر داها دا آیدینلاتسین.
هله اونوتمامیشیق خاتمی نین كولتور باخانی مهاجرانی او زامانلار بیزیم دونیا سویه لی كولتوروموزو Sub culture (خرده فرهنگ) آدلاندیرمیشدی و ایندیسه خاتمی اؤزو تورك دیلین و میللتین "آذری" آدلاندیریر.
توهین دن سونرا یالاندا هله اونلارا او قدر هاسات گلیر كی سو ایچیم كیمین دانیشیرلار و ائله دوشونورلر دئدیكلری قورآن آیه سیدیرى!
بیر قاراداغ فعاللاری خاتمی نین بو اییرنجی ایشین محكوم ائده رك او یالانچی تمددون جارچی سیندان! ایسته ییریك رسمی شكیلده اولاراق میللتیمیزدن عوذر ایسته سین.
1388.03.09
