گؤِی تپه

آذربایجان تورپاقینین هر قوشه سی گؤزلیك له دولودور.

بو كی آذربایجان جننت دیر، من جه دوغرودور. هر اؤلكه ده ، ساوالان و سهند كیمی ایكی هوندور داغ اولسا، اورمو گؤلو اولسا، موغان دوزلوغو اولسا ، آراز چایی اولسا، قاراداغ مئشه لری اولسا و مینلرجه بؤیوك و كیچیك طبیعی گؤزلیك لركی من بوردا آدین چكمدیم ،  مین لرجه ایفتخار كانی اولان شهرلرو كندلر، او یرلر كی تاریخ بویو، باشی اوجا یاشییب و یاشاماقدادیلارمینلر جه قهرمان ایگید ،ارنلر، بی لر و بایانلار كی تاریخ یارادیبلار و مینلر جه معدن لر، یر آلتی و یر اوستو خزینه لراولسا دوغرودان داكی اورا جننت دیر.

آنجاق ایستدیم بوردا بیر یردن یازام كی چوخ تاریخی اولمادان بیلمیرم ندن اونودولوب، اولار كی فرهنگ دن و تاریخدن دم ویریللار هاردادیلار؟

قوشا چایدان، سویوق بولاغا ساری گئدن یولدا، سویوق بولاغا 10 كیلومتیر قالمیش،ساغ الده گؤی تپه آدیندا بیر كند وار كی تام كورد الینه گئچیب و اونا"گؤك تپه" دئیللر. بو كند دن آز فاصله ده بیر باشقا كند وار كی اونون دا آدی" اَیری قاش"دیر ، كی كوردلر "اَگری غاش"دئیرلر.

بو كندلرین آراسیندا صاف بیر یرده بیر داش ،تپه لیق وار كی بو تپه لیغین 50 متره اَنی و خیلی اوزونلوغو وار.

بو تپه نین باشلانیش یرینده بیر یاشیل دوزنگاهین  اوستونده ، یردن 8 متره اوجا لیق دا بیر كؤهول گؤرونور، تپه نی اوسته چیخاندا بیر صاف قایانین 3 متره لیغندا اولان بو كؤهول اَل قازمادیر.

بویرین آغزینین 2.5 اوجالغی، 3 متره اَنی و 3.5 دا درین لیغی اولا بیلر.بو كوهولون وسطینده بیر ستون ده وار كی چوخ گؤزل، قایادان ایریلمادان، داشدان قازیلیب و اونون عینی بیریسی ده بو قاباقداكی سوتونون دالیسیندا وار.

بو كؤهولون ایچینده ،3 قبیر وار كی كؤهولون تكیندن 1 متره اوجادیلرو اورا قویولمامیشلار بلكه همان قایانیت داشیندان قازیلیب لار،بو قبیرلرین ایكی سی بؤیوك آدام قبری وبیری بیر كؤرپه اوشاغا آییددیر. بو قبیر لرین ایچی بوشالیب و یانلیز ایچه ری لرینده زیبیل وار  ، اما بالا قبیر ده سو وارییده

بو منطقه نین گؤزلیینه خاطیر كوردلر اورانی گزمك یری ائدیبلرو بوندان اَلاوه كی بو مقبره نین اشیینده یادیگار یازیب، كیفره چكیب لر، مقبره نین ایچینده ده اود یاندیریب، یادیگار یازیب، اویان بو یانین قازیب، اورانی توالت ده ائدیبلر.

آما اصلی سؤز دئییل مه میش قالدی، بو مقبره ده كیم اَبدی یوخویا گئدمیشیمیش؟

اورا بیر" ماد" شاهزاده سینین یا ماد زامانینه آیید اولان بیر یرلی شاه این مقبره سی دیر!!!!

آنجاق اورانین دالیسین توتماق دان بو جوابی آلدیم كی بورا بی ارزش بیر یر دی!!!

بو نا توجه الماغنان كی او منطقه نین قورولوشو بیر تَهر دی كی باشقا یر آلتی اشیا نین اوردا اولماغی

اوزاق نظره گلمیر. ندن بورانی اؤز باشینه بوراخیب لر بیلمیرم.

بو زمان دا كی بیر ساخسی سینیق كوزه نین چوخلو باستان شوناسلیق ارزیشی وار اما بو گؤزل مقبره نین كی ستونلارینین باشی و تَكینین شكلی چوخلو مهم اطلاعات بیزه وره بیلر، اهمییت سیز لیغین گینه باشا دوشمدیم

.ندن انسانین 3000 ایل بوندان اول  یارادیغی بیر یر اهمییت سیز اولا بیلر؟

سون سؤز بو كی اورا گؤزل و گؤرملی بیر یر دی او طرفه یولوز دوشسه اوردا بیر باش ویرین. البته اگر كوردلرین الیندن جان قورتارا بیلسه، یا بو كی ایندییه جا اصفهان دان ،شیراز دان باش چیخاردماسا

اولارین كی اللریندن بیر ایش گلیر ایلییه بیلسه لر اورانی نیجات ورماغا چالیشسین لار، خصوصا اورمولو دوستلاریمیز.

araz bashdan az oldu

ordek tutdum gaz oldu

gucile bir yar tapdim

oda kelek baz oldu

daghlar bashi goyundu

ay giz bu ne oyundu

yatdim yuxuda gordum

cuma axshami toyundu