بو سارای دیر

بو سارای دیر آدی دیللرده راز اولموش

قانی آخمیش آراز اولموش

ایریلرده تاراز اولموش

سئوگی اولدورمگه گویا دار آز اولموش

بئله لیکله سارای آدلی اوره گیزده یاراز اولموش

ساراین عیصمتی هر گون اوجالاندیر

اوجالیب گویده قالاندیر

ائله بیل کی ساوالاندیر

سوزو اوستونده قالاندیر

ائلیم آغلا بو گئدن نازلی بالان دیر

بو سارای دیر بنیزی بیر بوتو آی دیر

قیشلر ایچره اولو یای دیر

اولومو بیر اوجا های دیر

بیر دئیل دوز باخسان میللته تای دیر

سارای ائل قیزیدیر خان چوپانین نازلی نیگاری

شوهرتی ، شانی ، ویقاری

اریده ن گون کیمی قاری

سوزولر چایدا گئده ر عیزته ساری

غئیرتین تکجه باهاری

بو سارای دیر کی بگنمز دوشه بنده

توکه نر غئیرتی قول قویسا کمنده

دیریلر کورپودن آرخا دوشنده

اولومه طعنه ائدنده

ابدیت گولونه دوغرو گئدنده