نودشه

شاری شیرین و جوانم ئیمسال چوون سالا جه لات میوانم

شاخی مله ندوو هه تا شاهو کو

با که را تاریف بالای به رزی تو

هیچ که س جه یاگیت نه بو گله مه ند

پیرت لوقماناو جوانت دانش مه ند

فه رهه نگی شارت ئاوازه ی ئیران

شاخ و داخه که ت مه نزلگه ی شیران

تاوه خت سه ددامی حه مله ش که رد ئیران

خاکه که ی تو بی مه نزلگه ی شیران

هه شت سال دیفاعی موقه د ده ست دی

هه شت سال په رپه ری جوانانت دی

هه رگیز میلله تت توش چول نه که ردی

با ریش چه رمه بو یا زاوله ی وردی

هه رگیز میلله تت توش ناسی جیا

گیانی سه د شه هید جه پای تو در یا

شیره پیاوانت جه سه ر کلاوان

رو حی پاکشا لای خودا یاوان

به ده ستی تیاره ی سه ددامی له عین

چن بومبوو ناپالم که وتی روی زه مین

چن ها که سی تو شیمیایی بیی

خیلی ی فه لا حی یا یاعقووبیی

هیروشیما یا ناکازاکی

جه بونه و تو وه نامشا زینده بی

به ده ستی سه ددام بومباران کریای

لای هیچ ده وله تی نامی نه بریای

به هیمه ت جوانا و فه زلی مه سئوو لین

به شکووم چیه و دمای تو که را نگین





به شکه م مه سئوو لین په ی تو په رساوه

به هیمه تی شا ئاوات که راوه

به ش ئاوه کو بلی په ی تو بارانی

باخه جوانه کات په نه ش بدارانی

نامی نودشه تاجی لهونه

یادت جه دلما هه رمه بو کونه

خاکه که ی نوتشه سورمه ی چه مانم

به بو ی عه تره که ش بریو خه مانم


کاک مختار رستمی