| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
418
|
826
|
91/1/30 (23:03)
|
|
||
|
|
13
|
111
|
91/2/3 (11:50)
|
|
||
|
|
0
|
4
|
91/1/18 (11:28)
|
|
||
|
|
8
|
17
|
91/1/9 (19:23)
|
|
||
|
|
39
|
183
|
91/1/9 (19:01)
|
|
||
|
|
4
|
13
|
91/1/9 (18:54)
|
|
||
|
|
1
|
22
|
91/1/6 (14:19)
|
|
||
|
|
1
|
10
|
91/1/6 (14:17)
|
|
||
|
|
8
|
66
|
91/1/6 (14:12)
|
|
||
|
|
6
|
49
|
90/12/14 (08:56)
|
|
||
|
|
2
|
15
|
90/12/8 (12:12)
|
|
||
|
|
1
|
8
|
90/11/30 (14:27)
|
|
||
|
|
0
|
1
|
90/11/27 (11:03)
|
|
||
|
|
108
|
1101
|
90/11/16 (10:05)
|
|
||
|
|
68
|
227
|
90/11/16 (08:09)
|
|
||
|
|
3
|
23
|
90/11/9 (09:23)
|
|
||
|
|
67
|
312
|
90/9/19 (12:52)
|
|
||
|
|
0
|
8
|
90/9/5 (08:38)
|
|
||
|
|
1
|
36
|
90/9/2 (18:21)
|
|
||
|
|
4
|
14
|
90/8/7 (15:32)
|
|
http://www.azarbaijanim.blogfa.com/
ساری کوینک
ای خسته قوش اواره گزیرسن بو دیاری
زنداندی قفسدی چمنی،باغی،باهاری
گوزله اوزووی اوچی دی هریانی بو یوردون
قوزغون کیمی دورت گوزلو گزیر کورپه شکاری
فرصت دالی سینجا گزیر ال یئری تاپسا
ویران قویاجاقیوردونی ای کوینکی ساری
تیک اوز یووانی قویما سنه ال تاپا اوچی
سن بو یووانئن صاحیبی سن،قان یئنه باری
جهد ائیله کی،جان قورتاراسان اوچی الیندن
دوشسن تورا،فریاد ائلمه،چک بو فشاری
گولشنده کی یوخ ذوق وصفا ای ساری کوینک
قاچ قاچ بو یئرین زهرلی دیر دارو نداری
دیللنسن اگر،اوچی ائده ر قانئنا غلتان
اوچسان آ یازئق!تیر جفا قلبینی یاری
مین فئرتانا قالخئب،دوگه جک،باشئنا طوفان
هر کیمده اولا،داغ کیمی دونیادا ووقاری
گلسه نه قده ر دردو بلا ،داغ کیمی دور باخ
ایدین دی بو سوز"توستو گئده ر گوچکه ساری"
ایستر سنی صیاد اوزونه رام ائده امما
اویغودا گوره ر،اج تویوق البتده کی داری
بو یاخشی مثل دیر کی بیزیم ائلده دئمیشلر:
بیر باخ اشاغا ،باخما اوزونده ن ده یوخاری
غم غصه کیچیک قلبینی گر دوگسه سئخئلما
بو گونده کئچر،اخیری،غملرده قوتاری
اوندا کی چئخارگون،یاییلار عالمه بیرده ن
اوندا کی قارادان یئری ،صبح اولجاق اغاری
داغی-داشی اسوده خیالیله گزه رسن
گولشنده نه شاختا گوره سن،داغدا نه قاری
ظولمون ائوی ویران اولو ،ظالیم دوشه ر الدن
قان دورماز اگر کسسه پئچاق قئرسا داماری
بختین قاپوسی ایندی قئفئلانسا دارئخما!
هر بیر قئفئلئن واردی طبیعتده اچاری
اوز جانوویلن اویناما بو عرصه ده "شیدا"
لیلاج دغلبازیله قئزدئر ما قوماری
طالعیمه سن باخ !
دوشونجه لریم یاساق ،
دویغولاریم یاساق ،
گئچمیشیمدن سؤز آچماغیم یاساق ،
گله جگیمدن دانیشماغیم یاساق ،
آتا و بابامین آدین چکمه گیم یاساق ،
بیلیرسن ؟
آنادان دوغولاندا ، بئله
اؤزوم بیلمیه - بیلمیه
دیل آچیب ، دانیشدیغیم دیلده
دانیشماغیم دا یاساق ایمیش ، یاساق !
(سهند)
..... یاغیشلار یویوبدور قان ایزلرینی
قوجاقلاییب زامان دیزلرینی
سکوتا دالمیش ...
.... وحشتله قیوریلیر، بوزوشور گئجه
یولا گؤز تیکیب دیر
سوروشور گئجه:
" کروان یوللاناجاق می،
سحر گلینجه ؟ "
قارانلیقدا ایشیقلار پنجه - پنجه
دان یئری سؤکولور
اذان اوخونور
گئجه قوشلاری باخ
آغاجا قونور
دار آغاجینا ...
قوشلار قاناد چالیر
نسیم قاناد لانیر
کؤلگه کیمی بی شئی داردان سالانیر
" کروان یوللانیر "
( ساهر)
اولو بابک وئریر فرمان
دالغالانیر قوجا ولکان
وارلیغینی هایغیریری
اودلار یوردو آذربایجان - آذربایجان
ایگیرد قیزلار قوچ اوغلانلار
گله جگه اینانانلار
یئنی دوران یارادانلار
یورویورلر سانکی اسلان - آذربایجان
پولاد کیمی بیلک ایله
خوش آرزویلا دیلک ایله
سئوگی دولو اورک ایله
هره یئلماز بیر قهرمان - آذربایجان
وقتسیز سولان گولوموزه
دوستاق اولان دیلیمیزه
قارا گونلو ائلیمیزه
شانلی بابک اولوب عنوان - آذربایجان
ده ده قورقود نفسی دیر
کور اوغلونون نعره سی دیر
ستارخانین گّوّله سی دیر
بذ قالاسی اولوب میدان- آذربایجان
مین اللرین سلطانی سان
قورتولوشون فرمانی سان
آزادلیغین عنوانی سان
آذربایجان ، آذربایجان – آذربایجان
اسماعیل جمیلی
سن!
سس سمیرسیز آیاق گوتور،
ائشیتمه سینلر بیزی بیردن.
قاچقین طالعمیزدی
قاچیریق بیر بیریمیزدن.
---------------------------------
مسعود هارای
سو دئییبدیر منه اولده آنام آب کی یوخ
یوخو اویرتدی اوشاقلیقدا منه خواب کی یوخ
ایلک دفعه کی چوره ک وئردی منه نان دئمه دی
ازلیندن منه دوزدانه نمکدان دئمه دی
آنام اختر دئمه ییب دیر منه اولدوز دئییب او
سو دوناندا دئمه ییب یخ دی بالا بوز دئییب او
قار دئییب برف دئمه ییب دست دئمه ییب ال دئییب او
منه هئچ واقت بیا سویلمه ییب گل دئییب او
یاخشی خاطیرلاییرام یاز گونو آخشام چاغی لار
باغچانین گون باتانیندا کی ایلیق گون یاییلار
گل دییه ردی داراییم باشیوی ای نازلی بالام
گلمه سن گر باجیوین آستاجا زولفون دارارام
او دئمه زدی که بیا شانه زنم بر سر تو
گر نیایی بزنم شانه سر خواهر تو
بلی! داش یاغسادا گویدن سن اوسان من ده بویام
وار سنین باشقا آنان واردی منیم باشقا آنام
اوزومه مخصوص اولان باشقا ائلیم واردی منیم
ائلیمه مخصوص اولان باشقا دیلیم واردی منیم
ایسته سن قارداش اولاق بیر یاشایاق بیرلیک ائده ک
وئریبن قول – قولا بوندان سورا بیر یولدا گئده ک
اولا اوزگه کولک لرله گره ک آخمایاسان
ثانیا وارلیغیما ، خالقیما خور باخمایاسان
یوخسا گر زور دییه سن میللتیمی خوار ائده سن
گون گلر صفحه دونر مجبور اولارسان گئده سن
رحمتلیک پروفسور زهتابی
گوز؟ یاشینی آخیتماغا دیرمی
سونوندا بیر گوله جه یی یوخدوسا
هر گوروشه سئوگی دئمه، عزیزیم
اگر اونون گله جه یی یوخدوسا
سئوگی یوخسا، اوره ک قورو قفسدی
کور اومیده نه غرضی، نه قصدی
؟مین یول گئری چاغیرماغین عبثدی
اگر گئری دونه جه یی یوخدوس
اهر کول آلتدا گیزله نه نه کوز دئمه
هر خاطیره قیریغینا ایز دئمه
هر اوره کدن کووره ک نغمه گوزلمه
ساری سیمده دینه جه یی یوخدوسا
اودا سالسان، بوز باغلاییب دوناجاق
الدن اوچدو، یاد بوداغا قوناجاق
کونول وئرسن، نه قیمته آلاجاق؟
کونول قدری بیله جه یی یوخدوسا
اوجالتدیغین کیچیلنده گوره سن
ارییرسن گوزون گوره- گوره سن
سوفره سینه نه قویاجاق گوره سن
سننن تیکه بوله جه یی یوخدوسا
دئمه منه: نه لر گلیر آغلیما
وای اوندا کی قارا سندن آغ اوما
اوره ک سیزه اوره ک وئریب آغلام
ابیر گون سن سیز اوله جه یی یوخدوسا
یازان : نصرت کسمنلی
من سنه ای گول ایناندیم ، اوندا بیلدین بیلمه دین
درد عشقین سهل ساندیم ، اوندا بیلدین بیلمه دین
باغا گلمیشدین ، چیچک درمه ک بهانه ائیله دیم
باشیوا گئندن دولاندیم ، اوندا بیلدین بیلمه دین
بیر سوز آتدین شرمیدن گول تک قیزاردی صورتین
سنده قاندین ، منده قاندیم ، اوندا بیلدین بیلمه دین
گوردوم اغیاریله خلوت یئرده گیزلین صحبتین
غیرتیمدن دالدالاندیم ، اوندا بیلدین بیلمه دین
( اوستاد سید جواد ابوترابی )
Ne aglarsin benim zulfu siyahim
Bu da gelir bu da gecer aglama
Goklere eristi figanim ahim
Bu da gelir bu da gecer aglama
Bir gulun cevresi dikendir hardir
Bulbul har elinde ah ile zardir
Ne de olsa kisin sonu bahardir
Bu da gelir buda gecer aglama
...
Daimi
Hormetli Elmira xanim
Selam
Size xosh geldin deyerek , bu behse gatildiginiz uchun teshekkur edirem.
BLOGiniza goz dulandirib, ne qeder insansever oldugunuzu hiss etdim.
Size ugurlar arzulayiram.
ایران ایرتیجاعچیلارى آذربایجان دیلینده اولان كیتابلارى وحشیجه سینه یاندیریرلار.
جللاد! سنین قالاق قالاق یاندیردیغین كیتابلار
مین كمالین شؤهرتى دیر، مین اوره یین آرزیسى...
بیز كؤچه ریك بو دونیادان، اونلار قالیر یادیگار.
هر ورقه نقش اولونموش نئچه اینسان دویغوسو
مین كمالین شؤهرتى دیر، مین اوره یین آرزیسى...
یاندیردیغین او كیتابلار آلوولانیر... یاخشى باخ!
او آلوولار شؤعله چكیب شفق سالیر ظولمته...
شاعیرلرین نجیب روحو مزاریندان قالخاراق
آلقیش دئییر عئشقى بؤیوك، بیر قهرمان میللته.
او آلوولار شؤعله چكیب شفق سالیر ظولمته...
جللاد! منیم دیلیمده دیر بایاتیلار، قوشمالار
دئ، اونلارى هئچ دویدومو سنین او داش اوره یین؟
هر گرایلى پرده سینده مین آنانین قلبى وار...
هر شیكسته م اؤولادى دیر بیر موقددس دیله یین
دئ اونلارى هئچ دویدومو سنین او داش اوره یین؟
سؤیله سن مى خور باخیرسان منیم شئعیر دیلیمه؟
قوجا شرقین شؤهرتى دیر فوضولى نین غزلى!
سن مى «ترك خر» دئییرسن اولوسوما، ائلیمه؟
داهیلره سود وئرمیشدیر آذربایجان گؤزه لى...
قوجا شرقین شؤهرتى دیر فوضولى نین غزلى!
جللاد! یانیب اود اولسا دا، كوله دؤنمه ز آرزیلار،
طبیعتین آنا قلبى قول دوغمامیش اینسانى!
هر اوره یین اؤز دونیاسى بیر سعادت آرزیلار
قانلار ایله یازیلمیشدیر هر آزادلیق دستانى...
طبیعتین آنا قلبى قول دوغمامیش اینسانى!
ازل باشدان دوشمنیمدیر اوزو موردار قارانلیق...
هر تورپاغین اؤز عئشقى وار، هر میللتین اؤز آدى
كاییناتا ده ییشمه رم شؤهرتیمى بیر آنلیق
منم اودلار اؤلكه سینین گونش دونلو اؤولادى!
هر تورپاغین اؤز عئشقى وار، هر میللتین اؤز آدى!
نه دیر او دار آغاجلارى، دئ، كیملردیر آسیلان؟
اویونجاق مى گلیر سنه وطنیمین حاق سسى؟
دایان!... دایان!... اویاق گزیر هر اوره كده بیر آسلان
بوغازیندان یاپیشاجاق اونون قادیر پنجه سى
اویونجاق مى گلیر سنه وطنیمین حاق سسى؟
جللاد! سن مى، دئ، قیریرسان فداییلر نسلینى؟
میللتیمین صاف قانى دیر قورد كیمى ایچدییین قان!
زامان گلیر... من دویورام اونون آیاق سسینى
شهیدلرین قییام روحو یاپیشاجاق یاخاندان
میللتیمین صاف قانى دیر قورد كیمى ایچدییین قان!...
بیر ورقله تاریخلرى، اوتان منیم قارشیمدا
آنام تومریس كسمه دى مى كئیخوسرووون باشینى؟
كوراوغلونون، ستتارخانین چلنگى وار باشیمدا
نسیللریم قویمایاجاق داش اوستونده داشینى
آنام تومریس كسمه دى مى كئیخوسرووون باشینى؟
سور آتینى، دؤرد نالا چاپ! مئیدان سنیندیر ... آنجاق
من گؤروره م آل گئیینیب گلن باهار فصلینى...
قوجا شرقین گونسشى دیر یاراندیغیم بو تورپاق
من یئتیردیم آل بایراقلى اینقیلابلار نسلینى
من گؤروره م آل گئیینیب گلن باهار فصلینى!
(صمد وورغون )
بیر گؤزل شعر بختیار وهابزاده ده ن
آخی دونیا فیزلانیر
واختین ده ییرمانیندا ، داش اریدی قوم اولدو
تاریخه آتدیغیمیز ، قاییتدی یؤزوم اولدو
دونه نین حقیقتی ، بوگون ته رس یوزوم اولدو
نیه ده یوزولماسین ، آخی دونیا فیرلانیر
...
چوخ اوغلاخلارایچینده ، چوخ اوولاری اوولادیم
آشیب داشان آرزومو ، من آرتیق جیلوولادیم
من آتامی اؤتموشم ، اؤتور منی ائولادیم
بو بئله ده اولمالی ، آخی دونیا فیرلانیر
...
دونه ن دوز ساندیغیمی ، ایندی ایری سانیرام
بعضا اولور اؤزومدن ، اؤزوم اوغورلانیرام
هر ایل باشقا آرزونون باشینا فیرلانیرام
نییه ده فیرلانمییم ، آخی دونیا فیرلانیر
...
چوخ اییله ن گؤرموشه م اییلمییه ن باشلاری
سولار دورولدو گؤردوک ، دیبینده کی داشلاری
عونوانیمی ده ییشدی ، دونه نین آلقیشلاری
نییه ده ده ییشمه سین ، آخی دونیا فیرلانیر
...
نئجه دؤنور بو دوران ، نئجه دؤنور بو گردیش
تازی لارین اوستونه ، دووشانلاردا گؤله رمیش
دونیا بنا اولاندان ، هر شئی ده ییشیله رمیش
ده ییشمه سین نئیله سین ، آخی دونیا فیرلانیر
...
ایدینی دونیادا ، من ابدی سانمادیم
بیر آتشه توتوشدوم ، مین آتشه یانمادیم
بت لار گلدی و گئتدی ، بیرینه اینانمادیم
نییه اینانمالیدیم ، اخی دونیا فیرلانیر
...
فیرلاندیقجا بو دونیا ، یوخ دا دؤنوب وار اولور
قورویان چئشمه لردن ، سولار آخیب جان اولور
بو دونیانین خئیری ده ، شری ده تیکرار اولور
نییه تیکرار اولماسین ، آخی دونیا فیرلانیر
...
مین مین ایل لر بو دونیا ، بئله جه فیرلانسادا
بیریووانین بلبلو ، مین بوداغا قونسادا
آیلار ایل لر فصیل لر ، بیر بیرینی دانسادا
ده ییشمه زدیر عقیده م ، چوخ دا دونیا فیرلانیر
...
نه قدر ایستییرسه ، مین او قدر فیرلانا
قارشیما گاه شر چیخا ، گاه خئییر دیغیرلانا
چرخ فلک ایستییر ، لاپ دولانا ته رسینه
عقیده می هئچ نه یه ، ده ییشمه ره م من گئنه
Qulagh Asdim Soze Men
Gelib Chixdim Duze Men
Baghlamisham Konlumu
Xumar Baxan Goze Men
