| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
238
|
276
|
90/6/24 (15:52)
|
|
||
|
|
7
|
78
|
90/4/6 (12:33)
|
|
||
|
|
36
|
134
|
90/2/4 (16:42)
|
|
||
|
|
3
|
17
|
89/11/4 (16:51)
|
|
||
|
|
13
|
135
|
89/10/24 (17:59)
|
|
||
|
|
101
|
462
|
89/5/10 (20:11)
|
|
||
|
|
126
|
296
|
89/3/24 (11:28)
|
|
||
|
|
0
|
10
|
89/2/9 (10:54)
|
|
||
|
|
2
|
23
|
89/1/9 (20:56)
|
|
||
|
|
1
|
8
|
88/12/4 (17:18)
|
|
||
|
|
8
|
54
|
88/11/14 (15:21)
|
|
||
|
|
2
|
59
|
88/10/27 (19:05)
|
|
||
|
|
8
|
35
|
88/10/22 (18:55)
|
|
||
|
|
4
|
32
|
88/10/22 (18:54)
|
|
بیر ائلی بوراندا قاردا چکه جم
بیرائلی باهاردا واردا چکه جم
بیر شکیل چکه جم گوزگیله سینه
آرزیلار دوزوله سیل سیله سینه
بیر باهار سالاجام قیش چیله سینه
بیر لالا خونچاسین قاردا چکه جم
بیر داغی چکه جم دومان ایچینده
بیر یاخشی بیتره م یامان ایچینده
بیر حققی دوغرولدام گومان ایچینده
شاختادا بیر آغاج باردا چکه جم
بیر سئلی چکه جم سارا قوینوندا
بیر ائلی یاردیم سیز یارا قوینوندا
بیر دیلی دیلچک سیز داردا چکه جم
تیکیلی بیر آغیز چکه جم بوما
بیر درین باخیش کی فیکیره جوما
یوللایام شکیلین تهرانا قوما
بیر ائلین یوخلوقون واردا چکه جم
بیر ایشیق چکه جم اوزاقدان آتیب
بیر دنیز چکه جم دنیزه باتیب
بیر ائلی چکه جم مین ایلدی یاتیب
وارلیغین بیلمیره م هاردا چکه جم
نیله ییم دیل سیز بیر باش چکه نمیرم
ائلیمین گوزونده یاش چکه نمیرم
بو ائلین ماهنی سین تاردا چکه جم
ائلیمی باهاردا واردا چکه جم
" استاد جعفری "
هانی منیم گنجلیییم
هانی منیم گنجلیییم ، هارادا
بیلیه لریم ، توپاجیم ،
گیلاس آغاجیندا ییرتیلان کؤینه ییم ؟
چالدیلار اوشاقلیغیمی خبرسیز .
پنجره سیز قالدیم آنا
اوچورتمام تئل لره تاخیلدی ،
هانی منیم گنجلیییم هارادا ؟
نه وارسا بوغو گَنزی یاخان
چؤره ک کیمی ، سئوگی کیمی
نه وارسا گؤزه للیکدن یانا
بؤلوشدوم ، بؤیوموشدوم .
ایچیمه سیغمیردی اینسان لار ...
بو نه یامان چلیشگی آنا !
قوردلار سوفراسینا دوشدوم ،
هانی منیم دیره نجیم هارادا ؟
هانی منیم اووونجوم هارادا
آکواریوموم ، قناریم
اوستونه تیتره دیییم کاکتوس چیچه یی ؟
آلدیلار کیتاب لاریمی سورغوسوز .
دیوارلار قونوشمور آنا
آچیق قالمیر هئچ بیر قاپی ! ...
هانی منیم گنجلیییم هارادا ؟
داها قاپیلمیشکن یئل لره
توتمامیشکن شارابی
شهره یئنی – یئنی باشلامیشکن
قاچدیم ، داغلارا قاچدیم
داها اؤپمه میشکن هئچ بیر قیزی
یاغمولاری بیریکدیر آنا
چاغ یانغینیندا توتوشدوم ،
هانی منیم گنجلیییم هارادا ؟
یوسف خیال اوغلو
بیلیه لریم = شار ، مازی
توپاجیم = فیریلداق ، گیرده نه
گَنیز = آغیز و یورونون بوشلوغونون آرخا بؤلومو
چلیشگی = تناقض
بیریکدیر = توپلاماق ، یاواش – یاواش بیر یئره ییغماق
قار ، یاغسا دا یاغسین
بوز ، دونسا دا دونسون
اؤلمه لی کی دئییلم
گونش ده باتسا
ال لریوی اوغورلایاجام ! ...
سودا ایشیقلار
باغ مئشه دن ایراق ، ساری داغلاردان ،
گونش دوغور سحر ، رنگی قیزیل قان !
اونون آلووو ایله ، الونور نَمودار :
یارپاقلاردا شؤعله ، سودا ایشیقلار .
ازلی جادودور قیرمیزی گونش ،
اوندادیر توفانلار ، اوندادیر آتش .
قانیمیزدا واردیر آتشدن اثر ،
بیزی توفانلارا ، اودا سوروکلر ...
یوردوموز اود یوردو ، گونوموز اودلو
حیاتیمیز قانلا ، آتشله دولو !
قاندا ، اود اولماسا قیزیشماز اورک ،
گونش یاندیرمازسا آچیلماز چیچک
حبیب ساهر
قاریشقالار
قارا – قارا قاریشقالار ،
کپه نه یی نئله دینیز ؟
توپلاشدینیز ، توپ اولدونوز
قاناد – قاناد قوپاردینیز ،
داشیدینیز ، آپاردینیز ،
کپه نه یی نئله دینیز ؟
آیریلدی گون ایشیغیندان ،
سییریلدی گؤی قورشاغیندان ،
قولاغیم باتدی ، توتولدو ،
گول لرین قیشقیریغیندان ،
کپه نه یی نئله دینیز ؟
دردی دوشر آغیزلارا
هارایلار ، چاغیرار سیزی .
نه یئدیرر ، دویوزدورار ،
نه قیشدان چیخارار سیزی ،
کپه نه یی نئله دینیز ؟
رامیز روشن
یاندیر مکتوبلاریمی
هر سطیر اوستونده تیتره ییب الیم ،
سطیرلر قلبیمدن اود آلیبدیلار ،
من سنه بیر دفعه آلداندیم ، گولوم ،
مکتوبلار عومورلوک آلدانیبدیلار .
منی خاطیرلاما ،
اؤزگه اول ، یاد اول ،
اویونجاق اولماسین مکتوبلار باری .
عومرونده بیرجه یول
عالی جناب اول ،
یاندیر خاطیره می – او مکتوبلاری ...
اوردا اوره ییمین هارایی ، آهی ،
قلبیمین اوتانجاق سئوداسی یاتیر .
اوردا ووقاریمین سینما گوناهی ،
کؤوره ک بیر نغمه صداسی یاتیر .
داغیلار شؤهرتین دومانی ، چنی ،
اوردا بیر آج بالیق اینجی تک سنی ،
یازیدیغیم سطیرلر آج توخوم کیمی
بیر گون گؤز یاشینی ایچه جک سنین .
مکتوبلار ایچینده نه ییم ، نه لریم ...
آلوولار سطیرلر گیزلی غم کیمی .
یاندیر مکتوبلاری ...
خاطیره لریم
یانسین ،
کوله دؤنسون قوی کرم کیمی .
سنه اومید دولو دیکیلن گؤزلر
یئنه خاطیره ده دونوب قالاندیر .
الیم اَسه – اَسه یازدیغیم سؤزلر
او زامان دوز ایدی ،
ایندی یالاندیر ...
حیاتین اؤزونده سینادیم سنی ،
دئمه باهار ایدیم ،
ایندی سه قیشام .
یاخشی کی ، سونرادان تانیدیم سنی ،
یاخشی کی ، عومورلوک آلدانمامیشام ...
نصرت کسمنلی
آزربایجان اؤیرنجی سی
ال لری اوجالیر قات – قات داغ کیمی
دلی قارتال کیمی سیچراییشی وار
اوریینده بولود ،
آچیر باغ کیمی
هر نه باهاری وار ، هر نه قیشی وار
گؤزلری قیمیزی بیر کؤزه بنزر
آمما کول قات لاری اوزونو اؤرتور
گئرچک ناغیلدی او
گونوزه بنزر
هاوا دومانلیقدی ،
بنیزی پؤرتور
او ، آرتیق دانیشسا اؤلدورله جک
گؤیلونون گؤیونده گیزلین آغلاییر
بیر قاراشاختادان ،
سانکی دنیز تک ،
سؤزو دوداغیندا قایماق باغلاییر او
اود اولورسا دا ،
کولک ایزله یر
دویدوغو گوناه دیر ، ایسته یی گوناه
کؤکسونو یول لاردا توفک گؤزله ییر
آه ... آزربایجان اویرنجی سی آه !!!
گئده جک
چتینی بیز اؤلونجه دی
گئده جک هامی گئده جک
بیز دونیادان گئدن تکی
دونیانین قانی گئده جک .
سولاجاق باغچاسی – باغی ،
قورویاجاق سون بوداغی ،
دنیزین سویو، بالیغی ،
ساحیلین قومو گئده جک .
بیر تَهر پیس می ؟ ، یاخشی می ؟ ،
یولا سالیب سون آخشامی ،
سؤندوروب سونوجو شامی ،
اَن سون آدامی گئده جک ...
رامیز روشن
من هله اؤلمه میشم . . . .
منه نه اولموش
ثانیه- ثانیه قادینلاشیرام
زامان آیاقلاریمین آلتیندا یئنیلرک
دئیه سن اؤلمه میشم
اورگیم ترپه نیر هله
ثانیه لر ده دایانسا
من دایانمارام
اؤلدوره بیلمه دین منی
من هله وارام ...
شاعیر : سیما دیدار
حق سئل کیمی دریایه آخیب یول تاپا جاقدیر
داش آتماغینان کیمسه اونو چوندره بیلمز
عالمده قارانلیقلار اگر بیرلشه باهم
بیر خیرداجا شمعین ایشیقین سوندوره بیلمز
گؤزلرین
چكیر وارلیغیمی دارا گؤزلرین
آپاریر روحومو هارا گؤزلرین
قارا بیر محبس دیر قارا گؤزلرین
بوراخ گؤزلرینین حبسیندن منی
*****************
یاندیریب یاخماقدا اؤد قودرتی وار،
تکجه من بیلیرم نه حیددتی وار،
، آخی جزانین دا بیر مدتی وار،
گؤزلرینین حبسیندن منی.بوراخ
*****************
قالدیم جاذیبه نده بیهوش کیمی یم
مرحمت گؤزله ین باخیش کیمی یم
قفسه سالینمیش بیر قوش کیمی یم
بوراخ گؤزلرینین حبسیندن منی
*****************
گونوم ائله سندن شیكایت اؤلوب،
بو سئوگی بیر داستان ،حئكایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
*****************
زیندانا كؤنوللو سالدیم اؤزومی
عیبی یوخ، پاییزا دؤندریازیمی
من گوناه ایشله دیم آرتیر جزامی
ساخلا گوزلرینین حبسینده منی
*****************
چشمانت
چشمانت هستی ام را به دار می کشند
روحم را تا کجا می برند چشمانت
زندان تاریکیست سیه چشمانت
از محبس چشمانت رهایم کن
*****************
در سوزاندن و خاکستر کردن قدرت آتش را دارند
تنها من می دانم چه شدتی دارند
آخر جزا هم مدت و حدی دارد
از محبس چشمانت رهایم کن
*****************
در جذابیتت همانند بیهوشان ماندم
همانند نگاه مرحمت خواهم
همانند پرنده زندانی در قفسم
از محبس چشمانت رهایم کن
*****************
روزگارم شکایت از تو شده است
این عشق داستان و حکایت شده است
از کی محبت جنایت شده است ؟
از محبس چشمانت رهایم کن
*****************
با کمال رضایت خودم را زندانی کردم
عیبی ندارد بهارم را به پائیز مبدل کن
من مرتکب گناه شدم بر جزایم بیفزا
در محبس چشمانت نگاهم دار
حسرت
منی آنادان اولما میشدان اونجه
یول اوسته قویدولار
اونداندی کی یوللار یولچوسویام
یوللار یورقونویام
یوللار وورغونویام
هله . آنا سوتون دادین آنلامامیش
سوتو کسدیلر منه
اونداندی کی حسرتله دولغونام
آنا یوزونه حسرت
آنا دیلینه حسرت
آنا وطنیمه حسرت
صبریم بیتمه دن
ایللردی کی بو حسرتی اوزومله داشیییرام
رحمتلیک « سهند افشاری
