بی تو د اسمون مه ملیچه پر نمیزنه

هیچکه د ئی شو دراز بُنگ سحر نمیزنه

عشق تو صوت بلبله غصه تو کر کرده منه

آیم عاقل که د حرف وا من کر نمیزنه

درد مِ دردِ بی دوا مرگِ مِ مرگِ بی صدا

هیچکه دِ مرگِ بی صدا ساز چمر نمیزنه

بیکس و لونه تیچسه کموتر سوخته پرِ

که لونه دِ باغ کس و کوه و کمر نمیزنه

گوتم تو باغمونمی حرف سر زبونمی

نوئنسم که شعله جز تو شرر نمیزنه

گوتم تو عمر جونمی نوئنسم جز تو کسی

تش بلیز غصنه و حشک و تر نمیزنه

عزیز دل مرده منم پرس دلم ها د کلم

هر که عزیزش بمیره شونه و سر نمیزنه ...