| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
1
|
3
|
87/6/2 (11:16)
|
|
||
|
|
0
|
0
|
87/5/19 (11:29)
|
|
||
|
|
0
|
0
|
87/5/18 (12:48)
|
|
||
|
|
0
|
0
|
87/5/18 (12:41)
|
|
||
|
|
0
|
0
|
87/5/5 (13:11)
|
|
||
|
|
0
|
1
|
87/5/4 (12:34)
|
|
||
|
|
0
|
1
|
87/5/4 (12:26)
|
|
||
|
|
0
|
7
|
87/2/10 (00:52)
|
|
||
|
|
0
|
2
|
87/2/10 (00:51)
|
|
||
|
|
0
|
1
|
87/2/10 (00:50)
|
|
عنوان بحث  کلوب آی دی : danizlar نام : سعید آقازاده تولد : 6 خرداد 1367 محل سکونت : Iran آذربایجان-شرقی 0مراغه مرد ، همسر فوت شده | آذربایجاننان قاباق آذربایجان 9 اسفند 85 - 19:14 |
آذربایجان آدینین نه اولدوغو، هانسی دیله منسوب اولدوغو، بلکیده آذربایجان تاریخی مسئلهلرینین ان مباحثهلیلریندن بیریدیر. بعضی عالیملر اونو آز تورکلرینه باغلاییرلار و قدیم زامانلاردا اونلارین بورادا یاشادیقلارینا استناد ائدهرک آزر (آذ ار بی) سؤزونو آذربایجان سوزونون قایناغی بیلیرلر. (ار/آر سؤزو باشقا تورک و تورکلرله قوهوم خالقلارین آدیندا دا گئدیر: تاتار، قاجار، خزر، بالکار، بولقار، ماجار، …). بعضی عالیملر، آذربایجانی اودا باغلاییر، بعضیلر آتروپات آدینا، خلف تبریزی ایسه برهان قاطع اثرینده بو آدین تورکلرین اساطیری شاهی اوغوزخان طرفیندن وئریلدیگی قناعتیندهدیر. بیز بورادا آذربایجان آدی حاققیندا یوخ، آذربایجانین آذربایجاندان قاباقکی آدلارینا گؤره دانیشماق ایستهییریک.
توروککی قدیم آذربایجاندا یاشایان توروک طایفا بیرلیگینین آدی ایله باغلیدیر. هله میلاددان قاباق 3-نجو مین ایللیگین بیرینجی یاریسیندان اورمو گؤلونون جنوب و جنوب شرقیندن ایندیکی زنجانا قدرکی تورپاقلاردا یاشاییردیلار. اورارتو کتیبهلرینده Turux، آسوری کتیبهلرینده توروک (Turuk) کیمی آدلاری چکیلیر. بعضی عالیملر بوگونکو آذربایجان تورکلری ایله عئینی کؤکدن اولان توروکلارین آدی ایله سونرالار تورک خالقلارینین عمومی آدینا چئوریلن توروک/تورک سؤزو آراسیندا بنزرلیگی تصادفی بیلمیرلر. بین النهرین کتیبهلرینده بعضا آذربایجان، زنجان و همدان بؤلگهلری توروککی یعنی «توروکلارین اؤلکهسی» آدلانیر.
کوت/قوت قوتلاردا نئچه طایفا بیرلیگی ایدیلر. لندسبرگر 1937-ده تورک تاریخ قورولتاییندا اونلارین تورک اولدوغو حاقدا گوجلو نظریهلر ایرهلی سوردو. بو طایفانین آدی میلاددان قاباق 3-نجو مین ایللیکده صحنهیه چیخیر. میلاددان قاباق 1-نجی مین ایللیک قایناقلاری غربده اورارتو اراضیسی داخیل اولماقلا بوتون آذربایجان و اورادا یاشایان خالقا کوت آدینی وئریر. کوت سؤزو سونرالار عمومیلیگینی ایتیریر و یئرینی ماننا سؤزونه وئریر. کوتلار ایسه ماننانین بیر طایفاسیکیمی یاشاماغا داوام ائدیرلر.
ماننا بیرینجی مین ایللیگین اوللرینده یارانان دؤولت، میلاددان قاباق 590 ایلینده ماد توسطیله اشغال اولوب، آرادان گئدیر. بو دؤولتین آدی مادا ضمیمه اولانا قدر، آذربایجان اراضیسینین آدی کیمی ایشلنیردی.
کیچیک ماد مادلارین مختلف طایفالاردان بیرلشمیش اولدوقلارینی بیلیریک. آنجاق بونلارین حاکیم طبقهسینین هانسی دیلده دانیشدیغینی سؤیلهمک چتین دیر. ماد تاریخی اوزهرینده تدقیقلر آپاران روس عالیمی دیاکونوف یازیرکی میلاددان قاباق 9 و 8-نجی عصرلردن بیزه گلیب چاتان ماد آدلارینین یاریسیندان چوخونا هندواروپایی دیللرینده بیر کؤک تاپماق اولمور. ماننا اهالیسی دیل و منشا جهتیندن مادین خصوصیله مرکزی ایران (عراق عجم) اراضیسینده یاشایان طایفالاریندان فرقلندیکلری اوچون، ماننا ماد اراضیسینه قاریشدیقدان سونرا کیچیک ماد آدینی داشیمیشدی و بئلهلیکله مادین باشقا اراضیسی اولان بؤیوک ماددان فرقلندیریلمیشدی.
آتروپاتئن کیچیک ماد اراضیسینده یارانمیشدیر و ماننا دؤولتینین وارثی ایدی. آتروپاتئن دؤولتینین پایتختی اورمو گؤلونون جنوب شرقینده یئرلشیردی و گنزک آدلانیردی. بعضی قایناقلار بو شهرین بیناسینی آلپ ارتونقایا (افراسیاب) منسوب ائدیرلر. آتروپاتئن دؤولتی، تقریبا 5 عصر عؤمور سوردو و میلادی 3-نجو عصرده ساسانی دؤولتینه ضمیمه اولدو. آتروپاتئن اراضیسینده تورکلر و اونلارلا قوهوم خالقلاردان علاوه، قافقازلیلار، یهودیلر و هندواروپایی منشالی اقلیتلر ده یاشاییردیلار. سونونجولار بوگون آذربایجانین مختلف یئرلرینده یاشایان تاتلارین بابالاریدیرلار. تاتلارین اجدادی ساسانیلر، خصوصیله انوشیروان زامانیندان ایرانین باشقا یئرلری، او جملهدن طبرستان (مازندران)دان آذربایجانا کؤچورولموشدولر و بورادا یئرلی خالق طرفیندن تات آدلاندیریلمیشدیلار. تات، تورک دیلینده تورک اولمایان معناسیندادیر و عربلرین عجم سؤزونون تورکجهدهکی بنزریدیر. | |
پاسخ ها