چچه له بارماق : 1

آغ آلما ، قیزیل آلما                                            قیز منی دیندیر ، منی دیندیر

بوشقابا دوزول آلما                                            تاخجادان ائندیر ، منی گولدور

چیرکین آل گوزه ل اولسون                                  قیز منی دیندیر ، منی دیندیر

بد اصیل گوزه ل آلما                                          تاخجادان ائندیر ، منی گولدور                                     

آیا باخ گئجه گئده ر                                            آی منی دیندیر ، منی دیندیر

گونوز یوخ گئجه گئده ر                                      تاخجادان ائندیر ، منی گولدور

بیر یول وار حاجا گئده ر                                     آی منی دیندیر ، منی دیندیر

آراز آراز خان آراز                                            تاخجادان ائندیر ، منی گولدور

مین گولده ن قالخان آراز                                      آی منی دیندیر ، منی دیندیر

سئوگیلیم گه میده دیر                                           تاخجادان ائندیر ، منی گولدور

گه ل  ائیله مه  قان آراز                                       آی منی دیندیر ، منی دیندیر

2

دوروم دولانیم باشینا

عاشیقیندان کوسه ن دیلبر                                     آی منی دیندیر ، منی دیندیر

گوزله رین تیک گوزومه                                     قیز منی دیندیر ، منی دیندیر

نه من دینیم نه سن دیلبر                                       آی منی دیندیر ، منی دیندیر

ایتیرمیش مارالیمی                                             قیز منی دیندیر ، منی دیندیر

بیر سینه سی یارالیمی                                         آی منی دیندیر ، منی دیندیر

گوندوز صبر و قراریمی                                      قیز منی دیندیر ، منی دیندیر                                      

گئجه یوخوم کسه ن دیلبر                                     آی منی دیندیر ، منی دیندیر

مینا گردن زبرجددیر                                           قیز منی دیندیر ، منی دیندیر                                 

نه دئسه ن جانا میننتدیر                                       آی منی دیندیر ، منی دیندیر

ایل کوچوب اوتاق خلوتدیر                                   قیز منی دیندیر ، منی دیندیر

گلسن آللام بوسه ن دیلبر                                      آی منی دیندیر ، منی دیندیر

قوربانی اوزونه یئیدی                                         قیز منی دیندیر ، منی دیندیر

یار حسرتین قددیم ایدی                                        آی منی دیندیر ، منی دیندیر

نه دئدیم گونلونه دیدی                                          قیز منی دیندیر ، منی دیندیر

بو من دیلبر بو سن دیلبر                                      آی منی دیندیر ، منی دیندیر

توولاما : 1

بیر خالین یاخشیدیر ، بیر خالین یامان                      توولاما ، توولاما ، توولاما گلین

بیر خالین سالیبدیر گونلومه گومان                           الینده شاماما قوخلاما گلین

بیر خالین یاقوتدور بیر خالین یمن                         الینده شاماما قوخلاما گلین

عشوه نی قه مزه نی آز ائیله گلین                     توولاما ، توولاما ، توولاما گلین

یولونو سالیبسان چشمه باشیندان                         الینده شاماما قوخلاما گلین

قورخورام گلسه ن نظره گلین                     توولاما ، توولاما ، توولاما گلین

اگر قبول ائتسه ن بو شیرین جانی                         الینده شاماما قوخلاما گلین

وئرره م قوربان ، سن تک گوزه له گلین                     توولاما ، توولاما ، توولاما گلین

قیزیل گولو دسته توتوب دریل گیلن                         الینده شاماما قوخلاما گلین

ده ریب ده ریب گیزلین یئرده سه ریل گیلن                     توولاما ، توولاما ، توولاما گلین

آغ اوزونده ن بیر جوت بوسه وئریل گیلن                         الینده شاماما قوخلاما گلین

غریبه م گونلومو تزه له گلین                     توولاما ، توولاما ، توولاما گلین

یازیق قوربانی نی دردلی یازیل گیلن                         الینده شاماما قوخلاما گلین

هر جوور و جفا سینا دوزول گیلن                     توولاما ، توولاما ، توولاما گلین

اوز الینله سن قبرینی قازیل گیلن                         الینده شاماما قوخلاما گلین

قوی مزارا اوزون دفن ائیله گلین                      توولاما ، توولاما ، توولاما گلین

2

بیزلرده رسمدیر گلین اویناسین                     توولاما ، توولاما ، توولاما گلین

او دوزون اوزونه تئلین اویناسین                         الینده شاماما قوخلاما گلین

آدینی دئمه رم ائلدیر عاییبدیر                     توولاما ، توولاما ، توولاما گلین

قمزه سی باغیرلار دله ن اویناسین                         الینده شاماما قوخلاما گلین

ایشاره ائیله ره م آنلایار بیله ر                     توولاما ، توولاما ، توولاما گلین

گوز آلتیندان باخار اوزومه گولر                         الینده شاماما قوخلاما گلین

من دردلی اولاندا گوز یاشیم سیله ر                     توولاما ، توولاما ، توولاما گلین

دوستونون قدرینی بیله ن اویناسین                         الینده شاماما قوخلاما گلین

دوروشو طووزدور باخیشی جئیران                     توولاما ، توولاما ، توولاما گلین

گئییبدیر اینینه قوماشدان شالدان                         الینده شاماما قوخلاما گلین

عاشیق اولان اونا کئچیبدیر جاندان                     توولاما ، توولاما ، توولاما گلین

یاشماغین آلتیندان گوله ن اویناسین                         الینده شاماما قوخلاما گلین

بو سینیق گونلومون قوباری قاچسین                     توولاما ، توولاما ، توولاما گلین

یازیق عومروم منیم بیرجه گول آچسین                         الینده شاماما قوخلاما گلین

حسرتلر قوووشسون گوز گوزه باخسین                     توولاما ، توولاما ، توولاما گلین

منی بو دردلره سالان اویناسین                         الینده شاماما قوخلاما گلین  .

ایله نمه ز : 1

ایله نمه ز  ایله نمه ز   بیر خان  ایله نمه ز

سرتیپین یئرینده سولطان ایله نمه ز

یولوم دوشدو اوباسینا کوچونه

عاغلیمی باشیمدان آلدی ائرمنی

شاه ائشیتسه قضب ائیلر  اولدوره ر

وعده لی یه م  خان یئرینه آل منی

جوشقون چایلار کیمی هر دم آرتارسان

شیرین جانیم عشق اودونا یاخارسان

قاش آلتیندان گیزلی _ گیزلی باخارسان

قورخما گوزه ل چیخ شیکاره گور منی

شکر اوللام قندابینا قاتیللام

شانه اولوب تئلینه چاتیللام

بیر قول اولوب بازاریندا ساتیللام

اول سوداگر قول یئرینه آل منی

2

گوزه لی سئوه سن جاوان چاغیندا

آلما یاناق گول بوخاغی آغ اولا

دردینی آنلایا قدرینی بیله

ناز ساتا گوللره ، عشوه بولبوله

آلچاقدان دانیشا اوجادان گوله

گیئینه ساللانا ، چاق داماق اولا

بولبوللرین اوتوشن

الیندن توتاسان گزه سن باغی

اوتوروب دوراندا بیله معریفتی

الینده ساخلایا مزه شربتی .

حبیربان : 1

حبیربان بیر قوش ایدی                            آی حبیربان حبیربان

باغچایا قونموش ایدی                             مال وئران ، اوی اوی اوی اوی

خان اوغلو گورموش ایدی                        مال وئران ، اوی اوی اوی اوی

توفنگله ن وورموش ایدی                        حبیربان ، اوی اوی اوی اوی

بو گله ن یار اولایدی                                مال وئران ، اوی اوی اوی اوی

الینده نار اولایدی                                    مال وئران ، اوی اوی اوی

ایکیمیز بیر کوینکده                                 حبیربان ، اوی اوی اوی اوی

یاخاسی دار اولایدی                               مال وئران ، اوی اوی اوی اوی

بو گله ن دیزه لیدیر                                  حبیربان ، اوی اوی اوی اوی

دیل دوداق مزه لیدیر                               حبیربان ، اوی اوی اوی اوی

آدین دئیه بیلمه رم                                   مال وئران ، اوی اوی اوی اوی

کوردیستان گوزه لیدی                              مال وئران ، اوی اوی اوی اوی

2

گئجه لر من یاتمارام                                   آی حبیربان حبیربان

باش یاستیغا آتمارام                                  حبیربان ، اوی اوی اوی اوی

سنین تکجه عشقینی                               مال وئران ، اوی اوی اوی اوی

من دونیایا ساتمارام                                   مال وئران ، اوی اوی اوی اوی

عشقین باشدان آتیلماز                             آی حبیربان ، اوی اوی اوی اوی

بیرجه شئیه قاتیلماز                                  حبیربان ، اوی اوی اوی اوی

گئجه ده خاطا یوخدور                                 مال وئران ، اوی اوی اوی اوی

یار صوحبتی قورتولماز                                مال وئران ، اوی اوی اوی اوی

باغلاییبسان یوخومو                                  حبیربان ، اوی اوی اوی اوی

من بیلیره م سن نییه                                حبیربان ، اوی اوی اوی اوی

قاشی نین مئحرابیندا                               مال وئران ، اوی اوی اوی اوی

گوز یاشینی توکمه یه                                مال وئران ، اوی اوی اوی اوی

گاهدان بیزه گلیرسن                                 حبیربان ، اوی اوی اوی اوی

دانیشیرسان گولورسن                              حبیربان ، اوی اوی اوی اوی

کیمسه ساغ جان آپارمییب                        مال وئران ، اوی اوی اوی اوی

عشقیندن سن بیلیرسن                           مال وئران ، اوی اوی اوی اوی .

قاراخان : 1

دام اوسته دیر دامیمیز                        آی قاراخان قاراخان

قوشادیر ائیوانیمیز                            یایخان مارالیم یایخان

سن اوردان باخ من بوردان                  یایخان مارالیم یایخان

کور اولسون دوشمانیمیز                    آی قاراخان قاراخان

دام اوسته قوردوم تایا                         آی قاراخان قاراخان

کولگه سی دوشدو چایا                       یایخان مارالیم یایخان

جور چکدیم جفا چکدیم                       یایخان مارالیم یایخان

امه ییم گئتدی زایا                              آی قاراخان قاراخان

دام اوسته دوران بنده                          آی قاراخان قاراخان

بیر هئیوام قالدی سنده                         یایخان مارالیم یایخان

هئیوا کیمی سارالسان                         یایخان مارالیم یایخان                      

هئچ میلیم یوخدو سنه                          آی قاراخان قاراخان

2

یادیندادیر سن ایله                             آی قاراخان قاراخان

سئیره چیخدیق بیر باهار                    یایخان مارالیم یایخان

سن باخاردین گوللره                          یایخان مارالیم یایخان

منده گیزلیجه سنه                             آی قاراخان قاراخان

باها گلیب گول آچیب                          آی قاراخان قاراخان

شئیدا بولبوللر اوخور                         یایخان مارالیم یایخان

کئچه ن گونوم یادیما                           یایخان مارالیم یایخان

آی نازیم دوشوی یئنه                          آی قاراخان قاراخان

او گلدی یین یوللارین                          آی قاراخان قاراخان

اوزوم قوربانی اولوم                           یایخان مارالیم یایخان

گلگینه ن گونه ش دوغسون                   یایخان مارالیم یایخان                      

یوردوما هه م  اولکه مه                       آی قاراخان قاراخان

الینی وئر الیمه                                   آی قاراخان قاراخان

بیر گزه ک بو باغلاری                       یایخان مارالیم یایخان                      

اوره ک سوزون سویله ییم                    یایخان مارالیم یایخان                      

هه ر  نه  واریمدیر سنه                       آی قاراخان قاراخان .

شئیخانی : 1

سو گلیر لوله _ لوله                            هارای مدد شئیخانی

یار گلیر گوله _ گوله                           ده لیلو ده لیلو شئیخانی

الینده گول دسمالی                               ده لیلو ده لیلو شئیخانی

قان ترین سیله _ سیله                          هارای مدد شئیخانی

سو گلیر لیلله ندیره ر                           هارای مدد شئیخانی

چیمنی گولله ندیره ر                            ده لیلو ده لیلو شئیخانی

یار دردی یامان اولار                          ده لیلو ده لیلو شئیخانی

آدامی دیلله ندیره ر                             هارای مدد شئیخانی

سو گلیر باغا نئیلییم                             هارای مدد شئیخانی

ده یمیر یارپاغا نئیلیم                            ده لیلو ده لیلو شئیخانی

یاریم گوزه ل من چیرکین                      ده لیلو ده لیلو شئیخانی

گلمیر اوتاغا نئیلیم                                هارای مدد شئیخانی

2

آی قیز بئیله ناز اولماز                          هارای مدد شئیخانی

ناز اولماز نیاز اولماز                           ده لیلو ده لیلو شئیخانی

مال ندیر دوولت ندیر                            ده لیلو ده لیلو شئیخانی

جانیمی وئرسه م آز اولماز                     هارای مدد شئیخانی

قارا گوزلر بادامی                                هارای مدد شئیخانی

دلی ائده ر  آدامی                                 ده لیلو ده لیلو شئیخانی

بیرجه قییا باخماقلا                               ده لیلو ده لیلو شئیخانی

یاندیردین سن آتامی                              هارای مدد شئیخانی

تئللر قیوریلیب یاتار                              هارای مدد شئیخانی

کیپریکلرین اوخ آتار                             ده لیلو ده لیلو شئیخانی

بئلنچی معرکه دن                                 ده لیلو ده لیلو شئیخانی

اوغلانسان گل جان قورتار                     هارای مدد شئیخانی

بویونا قوربان اوللام                              هارای مدد شئیخانی

پروانه تک دولاننام                               ده لیلو ده لیلو شئیخانی

عاشیقه اود نه لازیم                               ده لیلو ده لیلو شئیخانی

اودسوز اوجاقسیز یاننام                          هارای مدد شئیخانی

آچ سینه نین یاراسین                               هارای مدد شئیخانی

اویوم گوزون قاراسین                             ده لیلو ده لیلو شئیخانی

طبیبیم اول علاج ائت                              ده لیلو ده لیلو شئیخانی

دئ دردیمین چاراسین                             هارای مدد شئیخانی .

یونگول روینا : 1

سحر سحر دان یئلی تک

اسمه قاداسین آلدیغیم

منیم صبری قراریمی

کسمه قاداسین آلدیغیم

آغلار _ آغلار من قالمیشام

هئیوا کیمی سارالمیشام

جان قویموشام عشق آلمیشام

گئتمه قاداسین آلدیغیم

دویماق اولماز قلم قاشدان

مارال تکی یان باخیشدان

نه دئدیم اینجیدین دوستدان

کوسمه قاداسین آلدیغیم

نه باخیرسان یانی _ یانی

اولوم گوزلرین قوربانی

تاخت تاجیندان سولئیمانی

ائتمه قاداسین آلدیغیم

بایاض گردن بولور سینه

آل منی قوینون ایچینه

منی قویوب اوزگه سینه

گئتمه قاداسین آلدیغیم .

2

ائدیبسن سن دیل ازبری

گئجه گوندوز یاری کونول

عشق خسته سی ده ساغالماز

رحم ائتمسه یاری کونول

یاننان یانانین هئچ اولماز

دوستلاریندا یادا سالماز

دئنه ن یازیم من دفتره

نه دردیم وار باری کونول

محشر گونو داد ائیله رم

وار سسله فریاد ائیله رم

گرک آلسین گوزه ل لردن

حساب اوزو تانری کونول

هارداندی ساتاشدی گوزوم

هئچ بیلمه دیم اصلا اوزوم

وورولموشام بیر گوزه له

یوخ عهدی ایلقاری کونول

دئدیم اویما  نا  ایلقارا

اوره ک  سوزون دئمه یارا

ناشی دوشوب وئردین الدن

بئله یوخو واری کونول .

دالان : 1

بیر قیز ایله بیر گلینین بحثی وار

گلین دئییر بوگون میدان منده دیر

قیزدا دئییر آچیلمامیش قونچایام

فصل باهار باغ و ریحان منده دیر

قیز دئییر من اوخشامیشام آناما

لعل و مرجان دوزولوبدو تاناما

ال وورسان تاغدان قوپار شاماما

ال دیمه میش باغ و بوستان منده دیر

گلین دئییر اورده ییم وار قازیم وار

شیرین _ شیرین صوحبتیم وار سازیم وار

ساللاناندا یوز قیز قده ر نازیم وار

حیا ایمان ادب ارکان منده دیر

گلین دئییر گل قیز دوشمه آرایا

گر من اولسم عالم باتار قارایا

بزه نه رم ساللام سنی بلایا

شعله سالان جمال و جان منده دیر

واله دئییر ایکینیزه من قوربان

یولونوزدا من قویموشام باشلا جان

ائیله مه یین بو غریبی باغری قان

سیزدن اوترو چشمی گیریان منده دیر .

2

ایشیق سپه ر گول جامالین اولکه مه

کیمسه اولماز میثال سنه تای سنه

آغ سینه ده بیتیب بئهشت آلماسی

وئرسن نولار اوندان بیرین پای منه

بوگون اولوبسان بیزه پارلاق گونش

ائوده اوتورماقدا یاراشماز سنه

بارماق ایله بیر _ بیره خالق گوسته دیر

حسرت چکه ر گونش سنه آی منه

گئتمه باهاریمی خزان ائیله مه

سوچوم ندیر سویله منه سای منه

غه م  بولودو آلدی منی آرایا

هجوم ائدر ناله منه وای منه

من آللاهدان بئهشت حوری ایسته مم

سن حوریسن بئهشت منه پای منه .

قالیر ها .