| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
1960
|
2935
|
91/3/5 (22:14)
|
|
||
|
|
559
|
1055
|
91/3/6 (20:04)
|
|
||
|
|
187
|
432
|
91/1/20 (14:44)
|
|
||
|
|
1154
|
1358
|
91/1/20 (14:38)
|
|
||
|
|
977
|
1534
|
90/12/26 (16:32)
|
|
||
|
|
389
|
737
|
91/1/15 (16:44)
|
|
||
|
|
6
|
9
|
91/2/30 (20:56)
|
|
||
|
|
0
|
3
|
90/12/25 (16:12)
|
|
||
|
|
93
|
164
|
90/12/11 (12:06)
|
|
||
|
|
8
|
25
|
90/12/10 (17:54)
|
|
||
|
|
48
|
127
|
90/11/16 (19:38)
|
|
||
|
|
56
|
213
|
90/10/12 (10:11)
|
|
یئنه گلیر نازلی باهار نازلی یاز
هامینین یازیسین بو ایل یاغلی یاز
جان ساغلیغی، جیب وارلیغی، اؤلوم آز
مهربان آللاهیم، بئله یازی یاز
*"'"**.............**"'"*.
*. نوروز بایرامیز .*
*. موبارک .*
"*. .*"
"."
پیشان
پیشان پیشان خان پیشان
هامیدان قورخان پیشان
نئیه یئدین جوجه می؟
او ساری توکلوجه می
سنی هارادا تاپسام
گزیب ایزینه چاتسام
قولاغینی بوراجام
سندن آجیق اچاجام
ملیحه عزیز پور
منیم الیم سنین جیبینده قارداش!
باخ بئله دوران دی بیزیم دوروموز
سنین الین کیمین جیبینده قارداش؟
الیم بوش دور منیم چوخ دور خیالیم
دستم خالی است و فكر و خیالم زیاد .
پیس اولدو وضع مالیم ،هم دَه حالیم
هم وضع مالی و هم حالم خراب شده
غمیم د ن آغلا ییر نازلی عیالیم
عیال نازم از غم من گریه می كند
اوشاقلارادا یوخدو شام نئیلیه ییم من ؟
بچه ها شام ندارند من چه كنم ؟
خدایا گلدی بایرام نئیلیه ییم من ؟
خدایا عید آمده باید چه كار كنم ؟
«حمیدین »تومّانین بندی قیریق د یر !
بند شلوار حمید پاره است
«رضانین » باشماغی یِیرتیق ، جیریق د یر !
كفش رضا پاره پوره است
بیزیم ائو دَه آجیندان قیشقیریق د یر !
در خانه ما از گشنگی غوغا و آشوب است
بو گون دا اولدو آخشا م نئیلیه ییم من ؟
امروز هم شب شد چه باید بكنم؟
خدا یا گلد ی بایرام نئیلیه ییم من ؟
منی كارخانا دان آتدی ایشیگه
مرا از كارخانه بیرون انداخت
رئیسم ، چیخد یم ایشد َ ن بیر تپیگه !
رئیسم ، با یك لگد
منی تشبیه ائد یب قونشو م پیشیكه !
همسایه ام مرا به گربه تشبیه كرده
پیشیك اولد وم سر انجا م نئیلیه ییم من ؟
سرانجام گربه شدم چه باید بكنم؟
خدا یا گلد ی بایرام نئیلیه ییم من ؟
یو خو مدور پول ِ پسته ، پول ِ آجیل
پول پسته و آجیل ندارم
سیچا نا اولموشا م بو آ ی د ا تبد یل !
دراین ماه تبدیل به موش شدم
اگر گلسَه بیز َه با یر امد ا فا میل
اگر در عید فامیل به خانه مابیاید
الیم بوش دور بو ایّا م نئیلیه ییم من ؟
دستم دراین ایام خالی است چه كنم ؟
خدایا گلد ی با یرا م نئیلیه ییم من ؟
غنی نین ایت لری تؤخ دور حسابی !
سگهای شخص ثروتنمد حسابی سیرند
چكیرلرهئی اوخا پیشمیش كبابی !
كباب را به سیخ به نیش می كشند
منیم قارنیم چكیر رنج و عذابی
شكم من رنج و عذاب را می كشد
یو خومد ور پول ِحمّام نئیلیه ییم من ؟
پول حمام ندارم چه باید بكنم؟
خدایا گلد ی بایر ام نئیلیه ییم من ؟
گلیر با یرا م اوره گیم قا ن د یر آمما !
عید می آید ولی دلم خون است
گؤزوم یاشلاند ی د ولد و«داملا داملا »
چشمم خیس و پراز قطرات اشك شد
گؤزَل آروا د ینان آنتا لیا د ا
بازن زیبایش در آنتالیا
غنی اوینا ر «دارا دام » نئیلیه ییم من ؟
ثروتمند دارام دام می رقصد من چه باید بكنم؟
خدا یا گلد ی بایرام نئیلیه ییم من ؟
الیم بَند اولماد ی بیر صندلی یَه
دستم به یك صندلی بند نشد
بدهكار اولوموشام «مشد ی ولی » یَه !
به مشدی ولی بدهكار شد ه ام
قیا فَه م او خشا ییر «مجنون »د لی یَه !
قیافه ام به مجنون دیوانه شباهت دارد
منی ترك ائتدی «لیلا»م نئیلیه ییم من ؟
لیلایم مرا ترك كرد چه باید بكنم
خدایا گلدی بایرام نئیلیه ییم من ؟
منبع: وبلاگ اسماعیل سالاریان
هر تیمی اورکدن آتارام آی اولدوزو تراختورا قاتارام
هوادار یاغیش اولسون یاغسین گور تراختوروم سو کیمی اخسین
هوادار صف کچیب اونا باخسین قهرمان تراختور قرمیزی بایراقی تاخسین
تراختور قرمیزی رنگینن نار یمیشم هر میداندا سنه گل وار دیمیشم
باخ تبریزده کی شیرین بال لارا یازیلیب تراختور قرمیزی شال لارا
آذربایجان تبریز دیاریمز تراختور بیزیم افتخاریمیز
گل لار دوازه لر سو اولیب اخیر تبریز قهرمان تراختورا باخیر
تبریز تراختور یوواسی یه تر قهرمانلیقا اذری دعاسی
هرکس تبریزده تراختورا بایلدی هرکی تراختورا هوادار سایلدی
باخ سن اذربایجان دیلینه باخ تربیزده تراختور قرمیزی گلینه
هوادار سسی چاتیب داغا داشا گوخور رقیبی گلیر آشا آشا
تراختور بیر تاج آذربایجان گوی باشا هامی سس ورسین تراختور یاشا یاشا
تراختور میداندا قاز ویریب قاچیب غنچه لاله تراختورا قهرمان دیریب
آچیب
هوادارلار استادیوما دولسون انشا الله تراختور قهرمان اولسون
تراختور تبریز شاه شاهان پیروزیت را خواستاریم درمقابل سپاهان
نویسنده شعر:پریا یاری دانشجویی علوم پزشکی دانشگاه تبریز
http://azartiractor.com/
اورمو
ای آغالار گلین سیزه سویله ییم اوچ یوز آتمیش پارا کندی اورمونون
هر اؤلکه ده شهرتی وار بحثی وار گؤزل هنرلری فندی اورمونون
بکشلو- برادوست – زیوه ماحالی نازلی چای – باراندوز – روضه صفالی
شور دنیزی خسته لره شفالی گزمک اوچون واردی بندی اورمونون
چول تره سی اوغلان اوتو قازیاغی صفالی دیر بوستانچی نین چارداغی
سوت قاتیغی بال خاماسی قایماغی شهرتی وار بیرده قندی اورمونون
سلیمان اورمویا بیر دم قیش گلیر بیر دم یئللر اسیر قار یاغیش گلیر
باشین قار آلاندا ایلی خوش گلیر اطرافیندا داغ کمندی اورمونون
سلیمان هاشم زاده
مثل لرین هر کلمه سی، اینجی دیر!
گله جگین، خزینه سی، گنجی دیر!
حاق دانیشماق چوخلارینی اینجی دیر!
کیشی سوزو، بیر اولاسی دیه للر.
ساعاتا باخیرام، بیر آز یوبانمیشام ، بو مینی بوس لاردا دولماسالار یولا دوشمزلر، شوفر ده یولدا بیر آز اوساللانسا، سئرویس دن قالاجاغام. 6 کیشی قالیر مینی بوس دولا. من ایکی کیشیلیک صندلده اوتورموشام.یانیمدا کی صندل ده، همیشه کی کیمی بوش دی. بیلیرم سونونجو یولجو یانیمدا اوتوراجاقدیر. بونو همیشه سینامیشام. آینا دا باخارام اوزومه، آما هئچ بیر اؤزل شئی گؤرمه رم... اؤنجه لر دئیردیم بس اوتوردوغوم صندلین یئری قولای دیر. آخی، من یول اوستونده دوشدوغوما گؤره قاباق صندل لرده اوتوراردیم. گونده بو یولو گئدرم. بیر بیر صندل لری سینامیشام. آما ائله دئییل. هر هانسی بیر صندل ده اوتورموشام،ائله بئله اولوب.
ایندی بیر کیشی ده چیخیر مینی بوسا. بیر بوش یئرلره گؤز دولاندیریر. منیم یانیما دا باخیر، آما گئدیر بیر آیریسی نین یانیندا اوتورور. بو ایش تکجه بو مینی بوسدا اولسایدی، بلکه هئچ زامام اولدوغونو آنلامازدیم. آخی آیری یئرلرده ده اولور بو ایش. مثلا تئهرانا گئدنده، بلیط ساتان منه بیر بیلط وئریر، مینندن سونرا گؤرورم تک اوتورموشام. و یانیم بوش دی، گؤروسن یولدا دا مسافیر میندیرنده، منیم یانیم ائله بوش قالیر. دئمیرم بیر زامان اوتوبوس دا، یئر قالمایا و بیری منیم یانیمدا اوتورا...
البته بو ایش منیم خیریمه اولور. چونکو راحاتجا بیر بیلیط ایله ایکی کیشیلیک صندلینده تک اوتورورام.
ایکی یولداشدا چیخیرلار مینی بوسا. بوش یئرلره بیر باخیرلار، هامی یئرلر تک دی. بیری مندن خواهیش ائلیر کی، بیر تک یئرده اوتورام، اونلار ایکی سی جوت اوتورسونلار. من ده بیر آز آجیقلی، آنجاق یئریمی اونلارا وئریرم. باخیرام بیر اوغلانین یانی بوش دی، ایستیرم اوتورام یانیندا، گؤزلرینه باخیرام، بیر نشانه آختاریرام، باخیشیندان گؤرونور، یانیندا اوتورسام او قدر ممنون اولماز، بیر تک صندلده اوتورورام.
هله بیر باش بایرامین 13 ایدی، و آخشام اوستو تئهرانا گئتمه لی ایدیم. بلیط زاد آلمامیشدیم. یانی آلا بیلمه میشدیم. نئچه گون اوندان قاباق هر هانسی بیر تعاوونیا گئتمیشدیم هامیسی دئییردیلر بلیط لری ساتمیشیق. آنجاق او گون بیر یولداشین واسیطه سیله بیر بیلیط تاپا بیلدیم. سونونجو ردیف ده. چوخ ماراقلی ایدیم گؤروم کیم یانیمدا اوتوراجاقدیر. میندیم اوتوبوسا، گؤردوم بیر یاراشیقلی اوغلان منیم یان صندلیمده اوتوروب. چوخ سئویندیم. سلاملاشیب یانیندا اوتوردوم. بیر آز اؤتمه میشدی، بو اوغلان چانتاسینی گؤتوروب دوشدو یئره. من ده بو فیکیرده ایدیم کی حتما دوشوب چانتاسینی قویسون یوک یئرینه. آما قاییدان اولمادی. شوفر شاگیردی چیخدی بیر اوتوبوسا گؤز دولاندیردی. یئندی آشاغیا. سونرا چیخیب منه دئدی، اگر ایجازه وئرسن بیز سنین یانیدا بیر میسافیر ده میندره ک. دوزدو سن ایکی کیشیلیک بلیط آلمیشسان، آنجاق بو مسافیر ده تله سیر، واجیب ایشی وار. سنین بیر بلیط پولونو یا ایسترسن بیر آزدا چوخ، بو اوغلاندان آلاریق. منده چوخ تعجب ائله ییب دئدیم، یوخ من بیر بلیط آلمیشام و یانیمدا دا بیر یاراشیقلی اوغلان اوتورموشدو، دوشدو آشاغیا، گلمه سه، کیم ایستیر سه اوتورا بیلر، هئچ مانع یوخدور. شوفر شاگیردی ده بیر آز گولوم سه ییب تازا اوغلانا، منیم یانیمداکی بوش صندلینی گؤرستدی، بیر یئکه آیی کیمی اوغلان ایدی. یانیمدا اوتورسایدی هئچ یئرلشمه زدیک. یانیمدا اوتوردو، بیر آزدان بیلدیم فارس دی، هئچ خوشوما دا گلمه دی، اؤز یانمیدا دئدیم یاخجی سی بو ایدی دئیردیم من یانیما قویمورام!!!آخی بیرده یئریمیز او قدر داریشلیق اولموشدو کی، لاب ایچ ایچه گیرمیشدیک.
بیر قیز خایلاغی دا میندی مینی بوسا. باخیب بوش یئرلره، آنجاق تک صندل لر دولموش، یانلاریندا ائرکک اوتورموش بوش صندل لر وار ایدی. بیر اوغلاندان خواهیش ائله دی بوش صندلی سینی اونا وئریب و اوتورسون او بیری یانلاریندا ائرکک اورتوران صندل لرده!! او دا دوردو یئرینی وئردی قیزا!!ایندی مینی بوس دا ایکی کیشی یه یئر وار ایدی و تکجه ایکی ائرکک مینه بیلردی، یوخسا یئرلری یئنه دئییشمه لی ایدیک.
سئرویس ، بوش اولدوغونا گؤره، چوخ آز گؤرونردی کی ایکی کیشی یان با یان اوتورسونلار، هر کیشی بیر جوت صندل ده راحات اوتوراردی.
اونا گؤره سئرویس ده بو ایشین اولوب، اولماماسی بللی اولمازدی، آما بونا امینم کی اگر بیر گون ده سئرویس دولو اولا، یئنه منیم یانیم سونونجو دولان صندل اولاجاق ایدی.
بیر ائرکک ده مینیر مینی بوسا و بوش یئرلرین بیرینده اوتورو. قاباقدا کی کیشی شوفری چاغیریر، دئییر، گل سور گئدک مینی بوس دولوبدور. شوفر چیخیر ماشینا بیر سای سالیر، هله بیر کیشینین یئری بوش دی.
اوزاقدان بیر قیز تله سه تله سه، مینی بوسا طرف قاچیر. شوفر ماشینی سورور قیزا طرف تئز میندیرسین، شوفرین بو ایشیندن هامی راضی دی. باخیرام بوش صندل لره. بو قیز چیخسا، موطلق من یئریمی دئیشمه لی ایدیم، چونکو اوبیری تک صندل لرین هامیسیندا آرواد خایلاغی اوتورموش و تکجه من ائلیه بیلردیم یئریمی او قیزا وئرم. یانی یئریمی دئییشسیدیم اوتوراجاق ایدیم همن اوغلانین یانیندا.
قیز مینیدی مینی بوسا، بیر سای سالدی، ایسته دی مندن خواهیش ائله سین کی یئریمی اونا وئرم. آما بو ایش دن قاباق، اوغلان قیزا دئدی، گل منیم یانیمدا ایلش،سن ده منیم باجیم کیمی،هم ده کیپ اوتورارام، قیز بیر منه باخدی بیرده او اوغلانا، گئدیب اوتوردو یانیندا.
او گئجه تئهران یولوندا، او دئدییم فارس اوغلان زنگانا کیمی اوتوردو، آنجاق زنگاندا دوشدو یئره، دوشه نده منه دئدی، باغیشلایین کی یئریزی داریشلیق ائتدیم. بونا خاطیرکی یئریزی منه وئردیز، چوخ تشکور ائلیرم، اصلینده هئچ ایرادی یوخدو، منده چوخ زامانلار ائله ایکی کیشیلیک بلیطی آلارام. رژیم ده توتموشام، آما آریقلامیرام. بئله سو دا ایچه نده کؤکه لیرم.
ساغولسون شوفر چوخ یاخجی سوروردو.دوز واختیندا چاتمیشدیم. سئرویس یول قیراغیندا دایانمیشدی. کیرایه نی وئریب دوشدوم یئره.
سیفی ایستی سنگح لری بوکموشدو شالین ایچینه، اوتورموشدو قاباق صندلده، منده اونون دال صندلیسینده اوتوروب، شالین قولاغین آچدیم، گونده کی کیمی کارخانایا چاتاناجان، او داش سنگح لرین بیرین حؤپوتدوم...
پرویز بابازاده
گونش و یئل
بیر گون یئل اؤز گوجونه گووه نرکن دوشونر:«ندن من گونش دن آشاغیدایام و هامی گونشی مندن اوستون بیلیر، او نه بیر شئی یئریندن اوینادا بیلرنه ده بیر ایش گؤره ر.. آما من هر نه ایسته سم داغیدارام و هرنه یی هر یئره ایسته سم آپارا بیلرم...» بو دوشونجه ایله گئدیر گونشین یانینا و دئیر « سنجه سنین قودرتین چوخدور یوخسا منین؟؟» گونش ساده جه گولوب دئییر:« سن ندن اؤزونو منله توتوشدوروبسان؟ اولمایا اؤز گوجونه بیلگین یوخدور؟» یئل بو سؤزدن آجیییب هیرسله دئیییر:« ایسته ییرسن گل یاریشاق؟» گونش یئنه گولر اوزلو دئییر:« سن نئجه دئسن ائله یاریشاق..» یئل یئرده چای قیراغیندا اولان کیشی نی گؤرسه دیب دئیر گل گؤرک هانسیمیز بو کیشی نین پالتارلارینی چیخارا بیلریک؟» گونش دئیر «اؤنجه اؤزون سینا..» یئل قانادلارینی اوزالدیب چالیشار کیشینین پالتارینی چیخارتسین، آما کیشی موحکم یاپیشار کؤیرگیندن و قویماز یئل آپارا، یئل یئنیدن گوجونو چوخالدیب بیر داها چالیشار، آما کیشی ده موحکم یاپیشار پالتاریندان. یئل تام گوجوایله اسر بلکه کؤیرگی چیخارتسین آما کیشی بیر آغاج تاپیب، سیغینار دالداسینا و موحکم یاپیشار کؤیرگیندن.. یئل پالتاری چیخارتماق دان ال چکیب گلر گونشین یانینا دئیر من چیخارا بیلمه دیم بیلیرم سنده چیخارا بیلمزسن آما ایسته ییرسن سینا.. گونش تبسوم له کیشی یه باخیب بیراز ایستیسینی چوخالدار، کیشی کؤیرگینین دوگمه لرینی آچار، بیرازدا ایستی سینی چوخالدار، کیشی ترله ییب کؤیرگله ترینی سیله ر. گونش یئنه ایستی سینی چوخالداندا کیشی کؤیرگی چیخاریب و اؤزونو آتار سویا...
یئل باشینی سالیب آشاغی:« دئیر دوزدو منیم گوجوم وار ، هر نه یی یئریندن اوینادا بیلرم آما سنین ایراده ن هرنه دن گوجلو و موحکم دیر.»
بهمن وطن اوغلو دان بیر گؤزل شئعر
عؤمور امانت دیر، بیلین آی دوسلار
بلایه هئچ كیمین باشی ده یمه سین
عئیب ائتمه ز اینسانی آغلاتسا ووصال
اوزونوزه كدر یاشی ده یمه سین
جاوانلیق ائیله ییب، گولمه یه نه وار؟
عؤمروموزون سونونو بیمه یه نه وار؟
مردین گول له سیله اؤلمه یه نه وار؟
كیشی یه نامردین داشی ده یمه سین
آغلاسین «بهمن» ائی بیر ائل گؤزلی
چونكو داشا دئییب عشقین ازلی
قوی منی دوغراسین بیر لوقمان الی
آماندیر یاراما ناشی ده یمه سین
