| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
6
|
51
|
90/8/19 (14:24)
|
|
||
|
|
1
|
36
|
91/3/6 (17:07)
|
|
||
|
|
38
|
315
|
91/2/11 (14:26)
|
|
||
|
|
0
|
2
|
90/11/12 (12:44)
|
|
||
|
|
0
|
8
|
90/10/19 (23:25)
|
|
||
|
|
1
|
13
|
90/9/15 (23:20)
|
|
||
|
|
4
|
56
|
90/8/14 (00:32)
|
|
||
|
|
1
|
29
|
90/7/27 (08:31)
|
|
||
|
|
45
|
202
|
90/6/29 (17:48)
|
|
||
|
|
4
|
78
|
90/5/25 (16:50)
|
|
||
|
|
0
|
7
|
90/5/24 (19:26)
|
|
||
|
|
3
|
35
|
90/3/19 (13:57)
|
|
||
|
|
0
|
8
|
90/3/17 (22:25)
|
|
||
|
|
1
|
8
|
90/3/7 (10:33)
|
|
||
|
|
0
|
21
|
90/1/12 (00:11)
|
|
||
|
|
4
|
91
|
89/10/10 (14:14)
|
|
||
|
|
1
|
21
|
89/10/1 (07:31)
|
|
||
|
|
0
|
24
|
89/9/9 (23:02)
|
|
||
|
|
0
|
62
|
89/5/21 (13:35)
|
|
||
|
|
0
|
17
|
89/4/25 (12:55)
|
|
گلجکدن بیر گؤرونتو
نیه بو جور باخیرسان منه؟ سن کی بیلیرسن گؤز-گؤزه گلنده دونیانی، و اونونلا باغلی نه وارسا اونودورام،.نه اولار بو جور باخما. آخی ایندی ایشیم وار، منده ایسته ییرم بوتون عؤمرومو اوتوروب سنه باخام، آنجاق نئیله ییم کی اولمور. عئیبی یوخ، ذاتن باشقا ایشلریم، یا بوتون گؤردویوم ایشلر و گؤستردیییم بونجا چابا، سنه باخاندا هئچ زادی ذئهنیمه یول وئرمه مک اوچوندور. سنه باخاندا یانلیز سنه فیکیرلشمَک ایسته ییرم، او آندا هئچ کسین و هئچ دوشونجه نین ذئهنیمین قاپیسیندان کئچمه یه ایذنی یوخدور. سنه باخاندا هر زادی اونودورام و بیر سن قالیرسان ذئهنیمده و اورادا، او بؤیوک و گئنیش فضادا، دولانماغا باشلاییرسان. گاهدان شلوغلوقدا ائلهی یرسن، ذئهنیمی قاتیرسان بیر-بیرینه، دوزنَینی پوزورسان. گاهدان دا سلیقه لی بیر خانیم کیمین ذئهنیمی سهمانلاییرسان، تمیزله ییرسن. من کی بیر سؤز دئمیرم، او زامانلار ذئهنیم سنین دی، نه کؤنلوندن کئچسه ائده بیلرسن اورادا، آنجاق ایندی...
نه اولار بئله باخماقما. کئچ اوتور بورادا. یوخ! بورادا اوتورما، قییمارام. او صندیلین اوستونده اولان کیتابلاری گؤتور، انون اوستونده اوتور. ایسته سن کیتابلارین بیرینی ده اوخویا بیلرسن. هه، ائله او ایکینجی کیتابی، رامیز رؤوشنین کیتابینی، «گؤی اوزو داش ساخلاماز». نه شعرلر دئییر! بیلیرم سن ده سئورسن رامیزی. کیتابدا بیر باش دولاندیرانا قدر، منیم ده ایشیم قورتاریب. اوندا بیر دولو قارین سنه دیرنمک ایسته ییرم. بیلمیرسن کی نه قدر اؤزله میشم سنی سئیر ائتمه یی. ناراحات کی اولمادین؟ ائله ایسه بوجور باخما منه...
یالقوزک تئومان
89.7.29
مرداد خاطیره سی
مرداد آیی تزه گیرمیشدی، گونشین قیزیل ساچلاری گون اورتادان سونرا حه یه ت باغچامیزدا کی سولغون گوللرین آچیلمامیش قینچالارینی سولدورماغا تله سیردی. ائوده تک باشیما دهلیزین اورتاسیندا دالی اوسته اوزانیب بئینیمده کئچمیش خاطیره لری سئیر ائلییردیم. سانکی دونن ایدی ، هئچ بو قضیه نین اوستوندن بیر ایل کئچمه سینی اینانمیردیم.
دهلیزین قاپی سی آچیق ایدی وهردن جان سیز بیر نسیم ، هئچ اولماسا بیر شی حرکته گلسین دییه، قاپی نین قاباغینا توتولان تور پرده نی دالغالاندیریردی. پرده دالغالاری آیاغیمین اوزرینده سوزرکن ایلیق بیر سرینلی یی اوره ییمه چؤکدوروردو. رشیدین حزین سسی ائومیزین خلوت فضاسی نی بوروموشدو:
قلبیمده سنین جان دا سنین من ده سنین دی ییخسان گؤزلیم محو ائدیب آسان دا سنین دی
آرا سیرا حه یه تده شیردن آچیلیب یئره توکولن سویون قاباغیندا بیر زادین یویولما سسی فیکریمی چاشدیریردی. بو سسین داوام تاپماسینا دایانماییب "به سن اوزومو تیغه ایله وورمارام دئییردین؟" دئدیم "آی حفاظت بئله گیر وئریر، عقیدتی فلان دئییر، سانیرام خالامین بوگله جک گلینی اوزیوه تیغه سالماق دئییل سنی لنگری ساققال قویماق مجبوریتینده ده قویاجاق " .
خالام اوغلو مهدی حه یه تده شیر سویو ایله اوزون تراشلاییردی. بو سؤزومو ائشیدن کیمی "هله گل منیم بوینومون دالین تمیزله" دئدی .یانینا گئتمه یه بهانه گزن کیمی سی دی نین سس ولومون آخیرا قویوب حه یه ته گئتدیم. ایصلاح تراشین الیندن آلیب بوینونون دالین تراشلاماغا باشلیارکن "هله بو خانیم قیزین هارالی اولدوغونو اؤیرندین باری؟" سوروشدوم.
دئدی: انهرلی دی
دئدیم: انهر هارادی
- اورمیه نین یاخینلیغیندا بیر کند دی. آنجاق ایندی اورمیه ده یاشییرلار
- کئفین اولسون
- هئچ بیلیردین بیزیم قوهوملاردان بیری ده انهردن ائولنمیشدیر؟
- یوخ، کیم؟
- جئیران ننه نین اوغلو رحمتلیک کامالین دا خانیمی انهرلی ایدی
- بیلمیردیم
- هه، من ده قورخورام انهردن ائولنیب اؤلم
- یاخجی دا سفئه له مه ، بوینون قوتولدو ، تئز اول گئدک ...
بو آن دا قاپی نین زنگی نین سسی ایله یئریمدن سیچرادیم. "قوناقلار گئتمه یه حاضیردیلار" دییه بیر اوشاق سسی ایله اؤزومه گلدیم "قبیر اوسته گئتمیسن؟"
قبیر اوسته گئدیردیک، مهدی نین قبیری نین اوستونه، آرتیق مهدی نین شهید اولماسیندان بیر ایل اؤتموشدور.
