| عناوین بحث ها | ارسال کننده | پاسخها | بازدید | بروز رسانی | اولویت | |
|---|---|---|---|---|---|---|
|
|
31
|
130
|
91/2/12 (18:44)
|
|
||
|
|
29
|
468
|
91/1/4 (18:54)
|
|
||
|
|
53
|
264
|
90/12/17 (15:37)
|
|
||
|
|
0
|
1
|
90/3/17 (22:40)
|
|
||
|
|
5
|
53
|
89/1/14 (17:04)
|
|
||
|
|
0
|
27
|
89/1/12 (00:42)
|
|
||
|
|
3
|
43
|
88/6/29 (11:36)
|
|
||
|
|
8
|
58
|
87/8/27 (23:12)
|
|
||
|
|
0
|
46
|
87/2/4 (13:52)
|
|
بو بؤلوم ده آذربایجان شهرلرینین چاغداش شاعرلرین و اوزانلارین تانیتماغا چالیشاجاغیق
لطفا جواب یازماقدان گؤز اؤرتون و یالنیز اونو آلیشدیرین(حتما داغ ائیله یین و نظر وئرین)
راضیه کاظمی کرانی (تانیتیم آدی: راضیه ، دوغذوغو یئر: صحراباغ"قشقایی یوردو" ، یاشادیغی یئر: شهرلار )
اونا گؤره بیلگیلر: 1361 ده شهرلار ین صحراباغ کندینده آنادان اولدو-10یاشیندان یازماغی ایستردی و 1380 دا تورکولری اوخومایا باشلادی-1384دن تورکو یازماغی باشلادی و فارسجادا بیر آز قوشوغو وار
یازدیقلاریندان بیر نئچه گؤروم:
سن آراز چاییندان گئچمه میشنگ سن؟
كورپه لرینگ اتگینده یایمه میشنگ سن؟
آیریلیغا قاناه صبری چوخ ائلیم
دوندوگ ایچی بیر كوپرو وورمه میشنگ سن؟
دینه دینه دی كی سنی ساتدیلار
حرمتینگی بویون آردینا آتدیلار
اوزلری و یاشیل یانان گوزلری
چادرلری كند ائتدیلر قویونلاری ساتدیلار
كیم دوشله دی سنین تورپاغین آتا
دئدی گئد گئد او اوزاق یوللارا
دالینجا آشیقینن سازی یوللارام
چولدن یوللا آرا دوشن داغلارا
--
قاشقا چمن باغچاسینین الماسی
چولدن داغا اورگیمین پاراسی
اینانما كی بیر گون سندن آیریلام
چاغیرینن چوره گ اوره گیمین فایداسی
مندن سورا بو باغ و بو اوزوملر
گلینلرین آق بویونو و دوزوملر
مندن سورا وفا كیمسه ده گؤرمه
قارداش اولماز منه ازگه لر
منی قوودونگ اولدوز اولانگ گویلره
یئره ووردونگ ال تاپمارام اللره
بزنمیش گلین تك گوزه ل ایی وارینگ
یئل اسه ایدی توتیانگی گؤزلره
رضا کریمی (تانیتیم آدی: کریمی ، دوغذوغو یئر: رزن"همدان بؤلگه سی" ، یاشادیغی یئر: همدان بؤلگه سی)
اونا گؤره بیلگیلر: 1374 ده رزن ین دهله کندینده آنادان اولدو-دانشسرادا اوخویوب ایندیسه قروه ده دبیرستان اؤرگتمنی دیر-داغ داغولماز(تورکو منظومه-مقدمه سین دکتر عبدالله نصرتی یازیب دیر)-چوخلو درگی لرده شعری یازیلیب
یازدیقلاریندان بیر نئچه گؤروم:
بیلمیره م هانسو باخوشدا اوتو پروانه گؤره ر
یاندورار قول قناتین شؤعله نی مردانه گؤره ر
قویماساخ اوتدا یانا٬ بیزلری دیوانه گؤره ر
او یانوخ دیلدن اگر چیخسا اونون اوتلو سؤزو
اوت سالار دونیایا قویماز قورویا ایكی گؤزو
بیلمیره م هانسو زباندا دایانوب سؤز دانوشام
اوت توتوب شؤعله چكه م هانسو اوجاقدا یانوشام
هَلَه دَه یانقون اوره گلر گؤزونه من تانوشام
آی گؤره م یانقون اوره گلر اوره گیز شاد اولسون
شاد اولاندا اوره گیز بیر ده ریضا یاد اولسون
نظیر: سلام اولسون شوكتوزه ائلیزه
منیم ده بیر آدیم گلسین دیلیزه
نه اولار داغ دانوشا حقق-و حقیقت بیلینه
وورمویا كؤهنه یالان هر كیم حقیقت دیلینه
آروداخ بیز بو توزو، بلكه حقیقت سیلینه
ایسته ره م داغ جوشا آللاه هامو یاندان دانوشا
درگزین´دن، همدان´دان، قاراقان´دان دانوشا
***********************
من-و داغ-و گئجه نی درد گیریفتار اِئله دی
اوچوموزو یوخودان قووزادو بیدار ائله دی
دیل ده سیندیردی سوكوتو گؤزو آغلار ائله دی
دئدی تكلیگلری مَن، سیزلَره درمان ائله ره م
سن-و داغ-و گئجه نی آغرویا مئهمان ائله ره م
اوره گیم تنگه گلیب گزمه گه باغ آختارورام
خیال آتون قووورام آقشاما دیلدن، سالورام
گئجه لر پنجره دَن اولدوزو گؤیده سایورام
بو گئجه قیسمتیمیز زئندئگیدن سؤز، سالاجاق
سحر ائعلام ائلییه، كیم اؤله جك كیم قالاجاق
ایسته ره م من بو داغون قیصصه سین آغاز ائلییه م
بیر قانات داغدان آلام دیللره پرواز ائلییه م
قان اوره گلر سؤزونی سن سُؤوَه ن آواز ائلییه م
داغدان ایككی گؤز آلام، داغ كیمین ایران´ه باخام
اوجا یئرده، دایانام مهدِ-ی دلیرانه باخام
اوول هِئچ زاد یوخودو، بیر كلمه سؤز وارودو
بیر كلام سؤزده خدایدو وارا وارلوق دارودو
یوخ ائشیدمه زدی ائشیدمگده قولاغدان خوارودو
او سؤز ایسته ردی موخاطب تاپا، واردان دانوشا
وار-و یوخدان، یارادا، دیل ویره یاردان دانوشا
چشمه قئینه ر یارولان یئردن آخار سؤز چالوشار
سووارا باغلارو اؤز قلبی سوسوزدان آلوشار
داغ دا تك قالسا، بو دار دونیادا، بیر گون یورولار
اوره گینده ییغیلان سؤزلر الینده اویولار
داغ چكه ن تكلیگی داشلار چكه بیلمه ز یارولار
داغ دیییر بولبول-ی عئشقیم گولو بیر گون گؤره جك
داخی او تك قالا بیلمه ز٬ قفسی سیندیره جك
عئشق الینده آخورو باقلو قفسلر سینه جك
زئندگانلوقدا گره گ بیر زادا بیز عاشیق اولاخ
كاروان اولمویا بیردن گیده، بیز یئرده قالاخ ...
غلامرضا امام علیزاده (تانیتیم آدی: امامی ، دوغذوغو یئر: بیناب"بیناجو" ، یاشادیغی یئر: بیناب)
اونا گؤره بیلگیلر: فارسی دیل و ادبیات لیسانسی-گنل ایلیشگی و فارسی تورکو ادبی تؤرن سورغولارین کارشناسی و بیلیمچیسی-بینابین ادبی انجمنینین رئیسی-سگیز دوره غدیریه شعری توپلوملوغون داوری-20 ایل سابقه تورکو و فارسی ادبیات اولای لاریندا یازدیقلاری: بیر اووج ایشیق(ترکی شعر)-دکتر علی شریعتینین معبدینین تورکو چئوریمچیسی-قیلقمیش چئوریمچیسی-درگی لرده چوخلو شعر و یازیلاری-این دل است یا آتشفشان(فارسجا شعر)-وقتی عشق خاکستر میشود(فارسجا شعر)-گئچمیشلرده و سمبل و آررنکلرین اینجه له ینلردن بیر دیرلی یازار
یازدیقلاریندان بیر نئچه گؤروم:
حسرت
اوتوروب اوزومده بیر آغلاسایدیم
آرازین گوزوندن آیریلیقلاری
اود توتوب یاناردی اوره ییم كیمی
حسرتدن گوزومده غم چیلاقلاری
******************
تیكاندان توخونان جانسیز مفتیللر
بوز كیمی ارییب سویا دونردی
آشاردی رویامدا هیجران تمه لی
آی اولدوز دوغاردی ظولمت سونردی
******************
ایتردی گونشین ایزلری آتدا
ائلیمین روحونا چوكن قارانلیق
حققه حقیقته گئدن جیغیری
چولقاردی گونش دن دوغولان ایشیق
****************
بیر یئنی حایاتا دیل آچاردیلار
به له یه بوكولموش دیلسیز اوشاقلار
قولونو ترپه دیب ایشیقلاناردی
كوچه ده یوخلایان سونموش چیراقلار
*******************
چكردیم كاغازین اوسته بیر آلما
بیر اوزون دوغویا بیرین باتی یا
اورتادان بولوبن سوغات یوللاردیم
بیر اوزون تبریزه بیرین باكی یا.....
چوروک دیرکلر
ایچیمده بیر اورمان اود توتوب یانیر
اوره ییم سیخیلیر بیر وولقان کیمی
گزیرم اوزومون آدالاریمدا
ینیلمز دهشتله بیر طوفان کیمی
****
گوزومده نیفرتدن دوغان فیرتینا
یئخیب کئچه جکدیر قان سارایلارین
کوتله لر قارشیندا چوکدوره جکدیر
شیطان سارایلارین، خان سارایلرین
****
چوروک دیرکلرین تاریخچه سیندن
نه قدر کئچسه ده ییخیلاجاقلار
دونیانی اووجوندا ساخلایان خانلار
اوزلری بیر زامان سیخیلاجاقلار
****
تیکان مفتیللردن دوغان سرحدلر
تورپاق وادی سینده چوزوله جکدیر
سرحدسیز بیر اولکه اولاجاق دونیا
یئردن بوتون میخلار اوزوله جکدیر
****
ال - اله وئره جک آغ - ساری - قارا
یئرین سولطانلیغی بیزیم اولاجاق
تملدن آشاجاق زور سارایلاری
دونیانین خانلیغی بیزیم اولاجاق
****
شاعیرین ایچینده یانان اورمانین
کولوندن دوغاجاق سرو آغاجلاری
اوزگورلوک آدینا دویونله نه جک
قوجامان بیر ائلین قوتسال ایلقاری
****
روحومدا امامی دوغولمایاجاق
نیفرتدن توره نن قارا طوفانلار
سونه جک ایچیمده ، دهشت قوپاران
آلاولی وولقانلار ،اودلو وولقانلار
(خزرین((خزر خانیم بیر شاعیردیرده)) گوزلری)
گوردوم خزرین گوزلری توتقون گورونور
ماتملی - کدرلی - غملی - محزون گورونور
ائل دردی ائله پارچالا ییب دیر اوره یین
چینینده کی دالغالاردا داغون گورونور
