RSS نه‌دیر؟

“Really Simple Syndication” كلمه‌سینین قیسالتمیش ایسمی اولان RSS بیر وب‌سیته یا وئبلاقی زیارت ائتمه‌دن، ایسته‌دیینیز زامان، یعنی بیر یازی یازیلدیغیندا، بیلگی‌سایارینیزدا بو یازینی اوخوماغا اولاناق ساغلار. RSS تئكنولوژیسی، وئبلاقلار اوچون قاچینیلماز بیر تئكنولوژی اولماقلا بیرلیكده، بیرچوخ اینسان، گله‌جه‌یین -ایمئیلی سوللایابیله‌جك، ایله‌تیشیم یوندمی اولاراق باخیر. RSS، بیر باخیما، سیزدن تئلئفون ایسته‌یه‌ن بیرینه، “سیز منه نومره‌نیزی وئرین، من سیزه زنگ ائده‌رم” دئمه‌نین تئكنولوژیك یوندمیدیر.  بیر سیته‌نین RSS بسله‌مه‌سینی اوخومانیز اوچون بیر RSS اوخویوجوسونا احتیاجینیز وار.
ویندوز اوچون FeedDemon و  Sharpreader و RSSOwl و RssReader و FeedReader پروقراملاری، وب اوزریندن ایسه Bloglines و گوگل اوخویوجو  و Netvibes و Google ig و Eskobo سیته‌لرینی قوللانابیلرسینیز. بو پروقراملاردان هر هانسی بیرینی سیستمینیزه ائندیریب، قوردوقدان سونرا، RSS اؤزللییی اولان هر هانسی بیر سیته‌نین RSS بسله‌مه‌سینه آبونه اولوب، او سیته‌نی راحاتلیقلا تعقیب ائده‌بیلرسینیز. اؤرنه‌یین، یوخاریدا سؤزونو ائتدییم پروقراملاردان بیرینی ائندیریب، قوردوقدان سونرا، آشاغیداكی لینكی RSS اوخویوجو پروقراما اكله‌رسه‌نیز، “توران”ا آبونه اولابیلرسینیز.*

http://feeds.feedburner.com/toran/

opml فایللاری
RSS اوخویوجولار حافظه‌لرینده‌كی وئبلاق RSS آدرسلرینی opml فایل تیپینده لیسته شكلینده ساخلانابیلر. بو شكیلده RSS لیسته‌میزی بیر آرخاداشیمیزلا پایلاشابیلر، RSS اوخویوجوموزو  ده‌ییشدیردی‌ییمیز زامان دیشا انتقال وئریب ﴿export﴾، یئنی RSS اوخویوجوموزا منقل ائده‌بیلریك ﴿import﴾. اوخودوغوم وئبلاقلارین RSS لیسته‌سینی ﴿بیر نئچه‌سینی!﴾ بو فایلا قویدوم. بو فایلی RSS اوخویوجو پروقرامینیزا import ائتسه‌نیز بوندان بئله بو وئبلاقلارا گیرمه‌دن، یازیلارینی تعقیب ائله‌یه‌بیلرسینیز.

RSS آدرسلری
چوخو وئبلاقلار، صحیفه‌نین بیر گوشه‌سینده RSS آدرسلرینی یازارلار. اوخودوغونوز وئبلاقلارین RSS آدرسی صحیفه‌ده یازیلماییبسا، بونلارا بنزر آدرسی اولار بیر وئبلاقین فیدی:

اسكی بلاگر اوچون : http://blogname.blogspot.com/atom.xml
یئنی بلاگر اوچون: http://blogname.blogspot.com/feeds/posts/full ﴿یاردیم﴾ یا دا http://blogname.blogspot.com/feeds/posts/default?alt=rss
بلاگفا: http://blogname.blogfa.com/rss.aspx
پرشین‌بلاگ: http://blogname.persianblog.com/rss.xml
ووردپرس وئبلاقلاری: http://blogname.com/?feed=rss2
دوزنله‌نمیش ووردپرس وئبلاقلاری: http://blogname.com/feed
ووردپرس سیته‌سینده اولان وئبلاقلار: http://blogname.wordpress.com/feed
مووئیبل‌تایپلا گوجله‌نمیش وئبلاقلار: http://blogname.com/index.rdf
بعضی وئبلاقلار Feedburner سیته‌سینین ایمكاناتیندان قوللاناراق، فید آدرسلرینی بئله‌جه ده‌ییشدیریرلر: http://feeds.feedburner.com/blogname
ایلگیلی لینكلر:
طراحان وب و فید، توضیحات، ترفندها و راهكارها ﴿بو یازینی بیر اردبیللی اِلینه تورك یازیب!﴾
RSS ویكی پئدیادا
RSS حاققیندا بیلگی
RSS نه‌دیر؟
گوگل ریدئر
RSS تئكنیكلری و RSS  اوخویوجولار

قایناق: RSS نه دیر؟ (گونجللندی) « Toran
آشاغیداکی قایناقلار ایسه مندندیر:

دریافت خودکار اخبار با استفاده از سیستم خبررسانی‌(RSS) آر.اس.اس‌ینیزی اؤز سایتینیزا قویون ر.س.س 12 ایشه یارار ر.س.س ر.س.س حاقیندا حسین درخشانین ر.س.س حاقیندا یازدیغی مقاله ر.س.س اینگیلیسجه آراس‌اس - ویکی‌پدیا